Suhiltzaileek kontrolpean dute Berangoko sutea
Suhiltzaileek kontrolpean dute Berangoko sutea, baina langutza-taldeek gau guztian jarraituko dute lanean, garrak bizitzea saihesteko.
Bizkaiko Foru Aldundiak jakinarazi duenez, igandean piztu zen sutea astelehen arratsaldean lortu dute kontrolatzea. Goizean goizetik zebilean haizetea ere arratsaldean baretu egin da eta horrek lana "erraztu" duela erantsi dute.
100 bat baliabide zonaldean lanean ari direla azaldu du Carlos Uriagereka Bizkaiko Aldundiaren Baso Zerbitzuko buruzagiak Radio Euskadin. Besteak beste, basozainak, suhiltzaileak eta Basalan enpresako langileak bertan dira. Gainera, bederatzi kamioi, lur orotarako 12 ibilgailu eta 35 suhiltzaile sua itzaltzeko lanean ari dira.
Uriagerekaren hitzetan, "sutea kontrolpean" dute, baina haize bolada bortitzek eta orografia malkartsuak itzaltzeko lanak zailtzen dituzte. Orain arte 120-130 hektarea kiskali ditu suak, Uriagerekak esan duenez.
Bi hidrohegazkin sua itzaltzeko lanean aritu dira, SOS Deiakek Twitter sare sozialeko kontuan jakitera eman duenez. Suhiltzaileen ibilgailuak iritsi ezin izan duten inguruetara heltzea ahalbidetu dute Ingurumen Ministerioak bidalitako hidrohegazkinek.
Suteak ezinegona eragin du Berangon, etxebizitza batzuetatik eta industria-gunetik hurbil izan delako. Dagoeneko 120-130 hektarea kiskali dira, baina ez da zauriturik izan.
Sua igande gauean (20:30) piztu zen, oraindik argitu gabe dauden arrazoiak tarteko, eta, haize ufaden ondorioz, berehala zabaldu zen Sopelaraino.
Haizeteak eta ingurune malkartsua izateak, asko zaildu dituzte sua kontrolpean hartzeko lanak.
Gauzak horrela, gau guztian suhiltzaileen laguntza-taldeak eta basozainak bertan izango dira, sutea kontrolpean mantentzeko.
Unai Rementeria Bizkaiko ahaldun nagusiak suak kaltetutako ingurua bisitatu du eguerdian eta gau eta egun lanean diharduten langileen lana eskertu du.
Hidrohegazkina Berangon. Argazkia: EFE
Trafikoa etenda
Bestalde, suaren eraginez trafikoa eten behar izan dute Unbe gainean, Ertzaintzak jakitera eman duenez.
Horrez gain, Bilboko metroak atzerapenak izan ditu goizean, Leioa eta Larrabasterra artean. Sutearen ondorioz goi-tentsioko zenbait dorre erori dira, eta horrek argindarraren hornidurari eragin dio. Hala ere, arazoak konpondu dituzte eta dena bere onera etorri da metroan.
Berangoko sutea. Argazkia: EFE
Beste sute batzuk
Hainbat sute jazo ziren atzo arratsaldean hainbat euskal udalerritan; besteak beste, Deban edota Leioa, Ispaster eta Ereñon. Gainera, Bilboko Uretamendi auzoan beste sute bat izan zen. Sute gehienak sastraka guneetan gertatu dira.
Horiez gain, Deban baserri batek hartu du sua, eta horren eraginez bi pertsona eraman behar izan dituzte ospitalera.
Nafarroan, Arantzan, suhiltzaileek larunbatea piztu zen sutea egonkortzea lortu dute. Lehendabiziko kalkuluen arabera, 130 kiskali dira.
Bestalde, ehun sute baino gehiago piztu dira Katanbrian eta Asturiasen. Kantabriako presidenteak Armadari laguntza eskatu dio.
Berangoko sutea. Argazkia: EFE
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.