Sevillako bi anai-arrebak usategian zuten anaia, biluzik
Polizia Nazionalak gizon bat askatu du Dos Hermanas Sevillako udalerrian; hain zuzen, gizona usategi batean bizi zen, anai-arrebak behartuta, hiru metro koadroko gela txiki batean giltzaperatuta eta egoera "negargarrian". 76 eta 61 urteko euren anai-arrebak atxilotu dituzte agenteek.
Poliziak dio ikerketak 091eko gelan jasotako dei baten ostean hasi zirela; mozkor zegoen gizon bat eragozpenak ari omen zen eragiten Dos Hermanaseko taberna batean.
Bertaratu zirenean, agenteek ikusi zuten 76 urteko gizon bat oso edanda. Poliziek etxera lagundu zuten, eta etxean ate bitxi bat ikusi zuten, korridoreko muturrean; itxita zegoen, kate eta giltzarrapo batekin. Horrek arreta eman zien agenteei; gizonari galdetu ostean, azken horrek esan zien bertan bere anaia bizi zela, buru-arazoak zituela eta isolatuta zutela haren segurtasuna bermatzeko.
Halaber, 61 urteko beste arreba ere bazegoen etxean. Emakumeak esan zien agenteei bere ardura zela nebei elikagaiak, garbitasuna eta medikamenduak eta sendagaiak ematea. Gainera, azaldu zien neba isolatuta zutela, buru-arazoak zituelako, eta hileroko 1.000 euroko pentsioa berak kudeatzen zuela.
Ikusitakoa arraroa iruditu zitzaienez, agenteek eskatu zieten atea irekitzeko, anaiaren egoera baieztatzeko. Atea zeharkatuta, beste ate bat ere aurkitu zuten, sarbidea saihesten zuena.
Biluzik eta koltxoi batean lurrean etzanda
Bi ateak zeharkatuta, poliziek eskailera aurri eta estua topatu zuten, usategi moduko batera igotzen zuena. Hiru metro koadroko eta sabairik gabeko gelatxo hartan sartzean, gizon bat ikusi zuten, biluzik eta koltxoi batean lurrean etzanda zegoena. Haren osasun- eta garbitasun-egoera penagarria zen, eta gelako baldintzak erabat osasungaitzak ziren: eginkariak botila eta pertzetan egiten zituen, ez zuen urik edo bainugelarik.
Hortaz, agenteek berehala abisatu zituzten osasun-zerbitzuak; biktima herriko ospitale batera eraman zuten, eta bertan dago, azterketa medikua izateko. Medikuek esan zieten agenteei 1996tik ez zuela balorazio medikurik jasotzen gizonak.
Biktimaren bi anai-arrebak atxilotu dituzte; egozten dizkie osotasun moralaren aurkako ustezko delitua, familia barneko tratu txarren ustezko delitua eta legez kontrakoa atxiloketa.
Zure interesekoa izan daiteke
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.
Aita Marik Mediterraneoan egiten duen erreskate-lana zailtzen duen "etengabeko presioa" salatu du
Egunotan Malta eta Libia arteko migrazio-ibilbidean erreskate-lanetan ari den Aita Mari ontzia Libiako kostazainek inguratu dute asteazken honetan; ondoren, drone batek gainetik hegan egin zion.
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.