Donostiako autobus geltoki berriaren irekiera bertan behera utzi dute
Donostiako autobus geltoki berria ez dute ostiral honetan inauguratuko, azken egunotan segurtasun akatsak antzeman dituztelako.
Eneko Goia Donostiako alkateak arratsalde honetan premiazko agerraldia egin du, eta bertan azaldu duenez, suhiltzaileek egindako segurtasun frogetan agerian geratu da suteen aurkako sistemak ez duela behar bezala funtzionatzen.
Horrenbestez, geltokiaren irekiera behin-behinean bertan behera uztea erabaki dute eta ez dute zehaztu noiz egongo den martxan.
Azken egunotan hainbat azterketa egin dituzte eta ez dute arazorik izan, baina gaur goizean suteen kontrako sistemaren froga egiterakoan, “sute larri bati aurre egiteko baldintzak betetzen ez dituela ohartu dira suhiltzaileak”, adierazi du Goiak.
Arazoak autobusak aparkatuta egongo diren nasei eragiten diela erantsi du. Amarako egungo autobus geltokian inoiz ez dela suterik izan gogoratu du, baina segurtasun berme guztiak izan gabe, Atotxako geltoki berria ireki ezin daitekeela azpimarratu du.
Datozen egunetan hartu beharreko neurri guztiak hartuko dituzte, arazoa lehenbailehen konpontzeko. Alabaina, geltokia zabaltzeko data berririk ez dute eman. “Datorren astean irekita egotea ia ezinezkoa izango da”, aitortu du Goiak.
Pilar Arana Garraio eta Mugikortasun zinegotziak gaur goizean bisitatu du geltoki berria komunikabideekin egindako topaketa batean.
Geltokiak hiru solairu, solairuarte bat eta 21 nasa ditu. Urbanizazioa erabat amaituta dagoenean, oinezkoentzako hiru sarrera izango ditu. Bitartean, Frantzia pasealekutik edo Egiako pasadizoko solairuartetik sartu ahalko dira herritarrak.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.