'Modern Express' ontziak legez kanpoko egurra daramala uste du Gabonek
Gabongo Gobernuak Modern Express ontziaren zama ikuskatzea eskatu dio Interpoli, legez kanpoko egur kargamentua daraman susmoa baitu.
Afrikako herrialde horretako Gobernuaren agirien arabera, ontzia "urtarrilaren 15etik abiatu zen Gabonetik, moztuta dagoen 4.089 tona egur zeramatzala". Horrez gain, baina, arbastatu gabeko egurra (azalik ez duena) ere badaramala uste du Regis Immongault Ekonomia ministroak, eta kontuan hartu behar da produktu hori esportatzea legez kanpokoa dela.
Ministroak premiazko bilera egin zuen atzo Alain Paul Ndjoubi Ossamy Mugazainetako zuzendari nagusiarekin eta Geert Van Gansbeke Necotrans enpresako presidentearekin, polemika argitzeko.
Van Gansbekeren esanetan, bere enpresak "moztutako egurra" baino ez zuen zamatu, eta operazioa legezkoa dela erakusteko hainbat agiri aurkeztu zituen Gaboneko portu batean.
"Barne ministroari Interpolekin hitz egiteko eskatu diot, ontziaren zama kontrola dezaten, zer motatako egurra garraiatu duen zehazteko", gaineratu du Immongaultek, eta egur-trafikoa zorrotz zigortzen dutela gogorarazi du.
Ontzia 164 metro luze da, eta egurra ez ezik, pisu handiko dozena bat makina ere daramatza.
Oraindik argitzeke dauden kausak direla medio, oker-oker eginda geratu zen itsasoaren erdian, eta noraezean egon zen astebetez, Frantziako Landen parean.
Zure interesekoa izan daiteke
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. Horrelako eremuak daude Arabako eta Nafarroako zenbait udalerritan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.