EUSKARA
Euskaltzaletasunaren giharra indartu, euskararen pizkunde berri bat abiarazteko
Euskaltzaletasunaren muina itxaropena delako, euskaltzaletasuna lehen lerrora ekarri eta herritarren artean itxaropenaren txinparta zabaldu. Modu horretan abiarazi nahi du Euskalgintzaren Kontseiluak hizkuntzaren pizkunde berri bat. Azken hamarkadetan egindako bideari zintzo begiratu, ondo zein gaizki egindakoetatik ikasi eta bide berriak abiatu.
Mezu hori dago jasota “Euskaltzaleon garaia da” goiburupean, Arantzazun (Oñati) gaur arratsaldean aurkeztu duten adierazpenean. Euskalgintzako hainbat eragile bildu dira, pizkunde berri baterako abiapuntua izatera datorren ekimena babestera. “Ez gaude ausaz Arantzazun, euskara mundu garaikidera lotu zuen (lehen) pizkunde horren aterbe nagusi izan delako baizik: mundua euskaraz pentsatzeko, egiteko, gozatzeko, bizitzeko ekimenen (h)abialeku behinena”, esan dute.
Itxaropena. Hitz hori agertzen da, behin eta berriz, Idurre Eskisabel Euskalgintzaren Kontseiluko idazkari nagusiak irakurri duen agirian. Zailtasunei eta garai ilunei aurre eginez, euskara gaur egunera arte ekartzeko bidea egin zutenen lana gogoratu dute, esperantzari atea zabaltzeko: euskara larrialdi linguistikoan dagoen honetan, euskaltzaleak aktibatu eta itxaropenerako deia egitea baita helburua. “Baina itxaropena ez da zain egotea. Itxaropena, euskaltzale horiek denek erakutsi diguten bezala, egitea da. Beraz, ekiteko garaia da”, azaldu du Eskisabelek.
Eta horrekin batera, euskaltzaletasuna da bereziki nabarmendu duten beste kontzeptua. Mundua “hain aldrebes” dagoen garaiotan, azaldu dute “oinarrizko jarrera politiko bat” dela euskaltzale izatea, eta herritarren eguneroko erabakien garrantzia nabarmendu ondoren, erakundeen arduran jarri dute begirada. Jauzia ematea eskatu dute. “Hizkuntza-politika anbiziotsu eta sendoak behar ditugu”.
Euskalgintzaren Kontseiluak abenduaren 27an Bilbao Arenan antolatu duen ekitaldia izango da euskararen pizkundearen berriaren hasiera irudikatu nahi duena. Euskaltzale guztiei bertaratzeko deia egin diete, eta gogorarazi dute sarrerak Pizkundea atarian erosi daitezkeela.
"Euskaltzaleon garaia da" adierazpena: sinatzaileak
▪ Idurre Eskisabel – Idazkari nagusia
▪ Aize Otaño – AEK
▪ Julen Arrizabalaga – Elkar
▪ Nekane Artola – Euskal Herriko Ikastolak
▪ Ainara Lasa – Berria
▪ Amaia Zarrabeitia – Elhuyar
▪ Jasone Mendizabal –Taupa Mugimendua
▪ Joxerra Olano – IKA
▪ Sebastian Castet – Euskal Konfederazioa
▪ Intza Gurrutxaga – EHE Euskal Herrian Euskaraz
▪ Aitor Bengoetxea – UEU Udako Euskal Unibertsitatea
▪ Amaia Balda eta Ainhoa Lasa – EMUN
▪ Laida Begiristain eta Marian Bidegain – Maizpide Euskaltegia
▪ Haritz Azurmendi – JAKIN
▪ Gotzon Gomez, Asun Elorriaga eta Gemma Telletxe – Gerediaga Elkartea
▪ Joxepa Madariaga eta beste bat – Gerriko Elkartea
▪ Gorka Torre – Euskal Konfederazioa
▪ Martin Aramendi – UEMA Udalerri Euskaldunen Mankomunitatea
▪ Kontxita Beitia – Andereñoen mugimenduko aitzindaria
▪ Miren Azkarate – Eusko Jaurlaritzako Kultura Sailburua (2001-2009)
▪ Kike Amonarriz – Euskaltzaleen Topaguneko lehendakari ohia
▪ Mertxe Mujika – AEKko koordinatzaile ohia
▪ Lorea Agirre – JAKIN aldizkariko zuzendaria
▪ Paul Bilbao – Euskalgintzaren Kontseiluko idazkari nagusi ohia
▪ Baionako Etxepare lizeoko ikasleak eta Azterketak Euskaraz! mugimendua
: ▪ Mari Karmen Garmendia – Hizkuntzalaria eta Eusko Jaurlaritzako bozeramaile eta Kultura Sailburu izana (1995-2001)
▪ Paulo Agirrebaltzategi – Jakin pentsamendu aldizkaria sortu zuen taldeko kidea
▪ Sagrario Aleman – Euskaltzain osoa eta helduen euskalduntze-alfabetatze eremuko aitzindaria
▪ Xabier Euzkitze – Kazetari ezaguna
▪ Anjeles Iztueta – Matematikaria eta Eusko Jaurlaritzako Hezkuntza sailburu izanak
▪ Martxelo Otamendi – Egunkaria-ko eta Berria-ko zuzendari ohia
▪ Edurne Brouard – Helduen euskalduntze-alfabetatzeko erreferentea
▪ Jakes Bortairu – Iparraldean euskararen aldeko milaka borroketan engaiatuak
▪ Juan Kruz Lakasta – Kazetaria eta Iruñerriko Euskalerria Irratiko koordinatzailea
Zure interesekoa izan daiteke
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.
Zeledon Txikik eta Edurnek giro aparta sortu dute Andre Maria Zuriaren plazan, Txikien Egunean
Ekain Gonzalez eta Haizea Lauzurica izan dira Zeledon Txikiren eta Edurneren jaitsieraren protagonistak, Gasteizko jaietako haurrek gehien espero duten ekitaldietako batean.
Kerman Villateren familiak gezurtatu egin du Gasteizko Udalak barne ikerketa egin izana
Gasteizko Mitika diskotekako atezain baten kolpe baten ondorioz hildako gaztearen familiak Maider Etxebarria alkatearen adierazpenei erantzun die, eta esan du Udalak ez duela inoiz ikerketa bat egin gertatutakoa argitzeko. Gainera, eskatutako dokumentazioa emateko eta justiziarekin elkarlanean aritzeko eskatu diote Udalari.