EAEko ikasleen % 6,3k eskola-jazarpena pairatu du azken hilabeteotan
Estatu Espainiarreko Derrigorrezko Bigarren Hezkuntzako ikasleen % 9,3k azken bi hilabeteotan eskola-jazarpena pairatu duela aitortu du (EAEn, % 6,3k), eta % 6,9k adierazi du ziber-erasoaren biktima dela (EAEn, % 4,5ek). Bestalde, gazteen % 5,4k (EAEn, % 3,5ek) onartu du inoiz gelakideren bat jazarri duela eskolan bertan, eta % 3,3k (EAEn, % 2,1ek) sare-sozialen bidez.
Save the Children erakundeak gaur kaleratu duen inkesta baten emaitzak dira: 'Jolas horretan ni ez nabil. Bullyinga eta ziberbullinga haurtzaroan' goiburupean argitaratu duten txostena egiteko, 12 eta 16 urte arteko 21.500 ikasle elkarrizketatu dituzte. Arazoaren inguruko eztabaida piztu, eta irtenbideak bilatzea da txostenaren helburua.
"Arazoari dagokion izena jarri behar zaio, indarkeria mota bat da. Ez da umeen arteko jolasa eta ez du justifikaziorik. Gizarte modura ezin diegu jazarpen egoeran dauden haurrei hutsik egin. Duela gutxi ikusi dugun bezala, bere buruaz beste egiteraino eraman dezake ume bat jazarpen egoerak", esan du Andres Conde Save the Children erakundeak Espainian duen ordezkariak.
Jarrera erasokorrik duten galdetuta, ikasleen erdiak onartu du inoiz ikaskideren bat iraindu duela edota hitz mingarriak esan dizkiola. Hamarretik hiruk, berriz, ikaskide bati fisikoki eraso izana aitortu du. Jazarleek ez dute arrazoi garbirik ematen horrela jokatzeko. Bromatzat jotzen dute, edo eta ez dakite zergatik egiten duten. Ehuneko hiruk aitortu du norbait estu hartu duela noizbait.
Egoera honi aurre egiteko Save the Children erakundeak estrategia oso bat eskatzen du: sinadura-bilketa bat martxan du sarean, erakundeei plan integrala eta lege organikoa gara dezatela eskatzeko.
Euskadiko Fiskaltzak iaz eskola-jazarpeneko 50 kasu ikertu zituen.
Albiste gehiago gizartea
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
Valladoliden jokatu den erlojuaren kontrako etapan bi pertsona atxilotu dituzte eta aske gelditu dira ondoren. Horrez gainera, beste 15 identifikazio egin dituzte polizia-agenteek.
Sestaoko xake txapelketa bandera eta sinbolorik gabe jokatuko da
Gazako sarraskia dela eta, Sestaoko Xake taldeak jokalari israeldarrei eskatu zien txapelketan ez parte hartzeko edo nazioarteko federazioaren banderapean jokatzeko. Nazioarteko Xake Federazioak, ordea, erabaki horren aurka egin du. Ondorioz, Las Llanas pilotalekuan nazioarteko banderarik edo sinbolorik ez egotea erabaki dute; Palestinako bandera bat soilik, “elkartasun espresio gisa”. Israelgo hiru jokalarik parte hartzeari uko egin diote.
ELA sindikatuaren ustez, Beatriz Artolazabalen aurkako panfletoen jaurtiketa "guztiz gaitzesgarria" da
Rafael Busto ELA sindikatuko ordezkariak adierazi duenez, ez dute inor seinalatu nahi. "Gure lan-gatazka konpondu nahi dugu. Ez diogu errua inori egozten, Gasteizko Udalari baizik", gaineratu du Bustok.
Bere etxe aurrean izandako "jazarpen ekintza" ez gaitzestea leporatu dio Artolazabalek EH Bilduri
Beatriz Artolazabal Gasteizko zinegotziak salatu duenez, ostegun goizean irainak eta sinbolo iraingarriak zituzten panfletoak bota dituzte bere etxe aurrean, Enviserreko langileen grebaren baitan.
Israelgo zazpi xake jokalarietatik hiruk baja eman dute ostiral honetan hasiko den Sestaoko txapelketan
Sestaoko Xake Klubak, Israelek Gazan "giza eskubideen urraketa sistematikoa" gaitzesteko, joan den astean Israelgo xakelariak gonbidatu zituen txapelketan ez parte hartzera eta, hala eginez gero, FIDEren (Nazioarteko Xake Federazioa) banderapean jokatzera, izan ere, 'open' kategoria denez, antolatzaileek ezin diete lizentzia duten jokalariei parte hartzea galarazi.
Bonolotoak ia bi milioi euroko saria utzi du Zarautzen
Zarauzko Xoxoa tabernan baliozkotutako txartel bati 1.972.129 euroko saria eman diote Bonolotoaren zozketan.
Ingurumen Fiskaltzak salaketa jarri du Bilboko portuan hondakin kutsagarriak isurtzeagatik
2024ko azaroan, zisterna-kamioi batetik 3.000 eta 5.000 litro artean isuri zituzten hainbat pertsona harrapatu zituen Guardia Zibilak
Joxerramon Bengoetxea: "Protesta egiteko forma batzuk guztiz lekuz kanpo daude"
2025-2026 ikasturtearen inaugurazio ekitaldian izandako istiluei buruz galdetuta, Joxerramon Bengoetxea EHUko errektoreak adierazi du ekitaldian parte hartu zuten batzuek jasotako irainak "deitoragarriak" direla. "Gure unibertsitateak Gazarekiko prestatu zuen elkartasun mezuari zapuztu zuten", gaineratu du Bengoetxeak.
Zazpi pertsona zauritu dira Sestaon lotan zeuden pabilioian piztutako sutean kea arnastuta
Sua gaur goizaldeko seiak aldera hasi da, Galindoko Padurak kaleko nabe batean. Pabiloi horretan lo egiten zuten zazpi pertsona artatu dituzte kea arnasteagatik, eta, azkenean, San Eloy eta Gurutzetako ospitaleetara eraman dituzte.
Artolazabalek bere etxe aurrean izan den "jazarpen ekintza" berri bat salatu du, Enviserreko grebarekin lotuta
Gasteizko zinegotziak salatu duenez, gaur goizean irainak eta sinbolo iraingarriak zituzten panfletoak bota dituzte bere etxe aurrean. Poliziak ekainaren 25ean antzeko gertaera batengatik hasitako ikerketa zabalik du.