Autopsia, Hodei Egiluzi zer gertatu zitzaion argitzeko gakoa
Hodei Egiluzen desagertzea ikertzen ari diren Espainiako poliziek espero dute gaztearen gorpuari egindako autopsiak gertatu zitzaiona argitzen lagunduko duela.
Hodeik 23 urte zituen, 2013ko urriaren 19an Anberesen desagertu zenean. Lagun batzuekin afaldu zuen, eta, gero, kalean, bakarrik zegoela, bi lapurreta jasan zituen. Hortik aurrera gertatutakoa jakiterik ez dago, oraingoz.
?Ez geneukan zeri heldu; autopsiak eman ditzakeen datuen zain gaude?, aipatu dio ikertzaile espainiar batek Europa Press albiste agentziari. ?Gorpua agertu zenetik, aste guztia zain daramagu?, erantsi du.
Hodeiren hilotza Anbereseko Eskalda ibaian topatu zuten. Poliziak beti izan du susmoa ibaian egon zitekeela, baina, behin baino gehiagotan bertan bilatu arren, ez zuten inoiz ezer aurkitu.
?Ibai izugarria da, nabigagarria, indar handiko urak dituena; bertan lan egitea oso zaial da?, deitoratu du ikertzaileetako batek. Hala ere, Anbereseko Poliziaren urpekariek egindako lana eskertu du.
Anbereseko agintariek Hodei Egiluz desagertu zen inguruko segurtasun-kamerek grabatutako irudiak aztertu zituzten eta lapurretan jasan ostean egin zuen ibilbidea berregitea lortu zuten. Lekuko batzuek diote bizirik ikusi zutela, baina hortik aurrera ez dago zantzu gehiagorik.
Hodeiri lapurtu zioten pertsonak atxilotu eta behin-behinean kartzelatu egin zituzten. Gerora libre geratu ziren, epaiketaren zain. Pertsona hauen testigantzak ere Hodeiri zer gertatu zitzaion argitzeko lagunduko duela espero dute ikertzaileek. Kasua sekretupean dago, Anbereseko epaile batek hala aginduta.
Hodeiren gurasoak: "Erantzunak nahi ditugu"
Pablo Egiluzek, Anberesen desagertu zen gazte galdakoztarraren aitak, esan du "handia" dela "barruan" duten "mina", semearen gorpua aurkitu dutela jakin ostean, baina "orain erantzun argiak" nahi dituztela, Belgikako agintariei "heriotza argitzeko" eskatzen dietela.
Pablo Egiluz eta Koro Diaz gurasoek prentsaurrekoa eman dute Ambereseko udaletxean, Bart De Wever bertako alkatea alboan zutela, semea aurkitu dutela eta azalpenak emateko.
Pablo Egiluzek esan du orain "desagerpenaren inguruko gorabeherak argitzeko" unea dela, "gertatutakoaren erantzuna" behar dutela, eta hori eskatzen dietela Belgikako agintariei.
Bestalde, Ibon Uribe Galdakaoko alkateak adierazi du Hodei Egiluzen heriotzak amaitu egin dituela gaztea bizirik topatzeko "itxaropenak".
Agintaria Anberesetik itzuli da gaur arratsaldean, eta agerraldia eskaini du Galdakaoko udaletxean, udal talde guztietako ordezkariekin batera, dolu-minak adierazteko.
Uriberen esanetan, Hodeiren heriotza "inor jasotzeko prest ez dagoen kolpea izan da", eta horren senideek 853 eguneko borroka egin dutela nabarmendu du, hura topatzeko.
Orain, gertatutakoaren arduraduna edo arduradunak "nortzuk" diren eta "zergatik" egin duten argitu beharra dago. Horren ildotik, alkateak bat egin du Hodeiren gurasoek egindako eskaerarekin.
Horrez gain, Eusko Legebiltzarrean egindako kontrol saioan, Iñigo Urkullu lehendakariak "elkartasuna eta dolumina" adierazi dizkio Hodei Egiluz gazte galdakaoztarraren familiari.
Zure interesekoa izan daiteke
Emakume bat bortxatu dutela salatu du Mondragon Unibertsitateak
Bortxaketa ostiralean gertatu zen. Elkarretaratzeak deitu dituzte gaur goizeko 12:00etarako HUEZI osatzen duten Eskoriatzako, Aretxabaletako eta Bilboko fakultateen aurrean.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.