Anberesek azken agurra eman dio Hodei Egiluzi
Pablo Egiluzek, Hodeiren aitak, bere semearen oroimenak eta ondareak bizirik irautea espero du, "desagertuta dauden pertsonen alde". Hodei Egiluz 2013an desagertu zen Anberesen, 23 urte zituela, eta otsailean aurkitu zuten haren hilotza Eskalda ibaian.
Galdakaoko gaztearen gurasoek Anberesko Mas museoan egin den ekitaldian esku hartu dute. Belgikako herri horretako herritarrek eta lagunek Hodeiri azken agurra emateko aukera izatean zen ekitaldiaren xedea.
Hodeiren hainbat lagunek ere parte hartu dute omenaldian. Ekitaldian zehar poema bat irakurri dute, eta landare bat pasatu da bertan bildutakoen artean (250 pertsona inguru), eskuz esku.
"Eskerrik asko guztioi! Eskerrik asko Hodeirengatik, eta zuetako bakoitzari, denbora honetan emandako laguntzagatik eta gurekin egoteagatik. Pertsona askok parte hartu duzue modu aktiboan, zuon borondatez, modu anonimoan eta instituzioak. Zuen energia, indarra, maitasuna eta sostengua eman dizkiguzue. Gaur hemen egotea garrantzitsua da guretzat, eta Anberesi eta bertoko herritarrei agur esan ahal izatea. Hodei ez da hemen geratzen. Bai Korok bai neuk, Pablok, nahi dugu Hodeik zuen guztion gogoan jarraitu dezala, eta pertsona desagertuen senideen indarrak bizirik iraun dezala. Ez ditzagun bakarrik utzi. Desagerpenak ez dira anonimoak. Badira hor pertsonak, badira aurpegiak, horietako bakoitzaren atzean. Horregatik, guztion sostengua eskatzen jarraitzen dugu; herritarrena eta agintariena. Hodei pertsona bizizalea eta alaitsua zen, besteengatik kezkatua, bere lagunen lagun ona, eta Anberesen egin zituen bere lehenengo urratsak lan munduan. Jan bere lehenengo lanbide urratsen lekukoa izan da, eta berari esker horizonte berriak ezagutu ahal izan zituen. Anberesen ere, Caroline; irribarre bat ateratzen zion egunero bere sukaldaritzako elkarrizketen bidez. Imanol; Hodeiren laguna izan da bere bizitzako etapa guztietan, bi urte zituztenez geroztik. Zuetako batzuek aitortu duzuenez, Hodei ez ezagutu arren, haren bilaketak zuen alderdi humanoena atera dizue azalera. Bada, nahi dugu Hodeiren oroitzapenak eta legatuak bizirik iraun dezatela desagertutako pertsona guztien alde. Anberes eta zuek guztiok beti egongo zarete gure gogoan. Eskerrik asko, berriz ere", esan du Hodeiren aitak.
Zure interesekoa izan daiteke
Emakume bat bortxatu dutela salatu du Mondragon Unibertsitateak
Ertzaintzak, bien bitartean, baieztatu du ustezko egitea astelehenean atxilotu zutela. Sexu-erasoa otsailean izan zen, eta biktimak pasaden ostiralean jarri zuen salaketa ertzain-etxean. Elkarretaratzeak deitu dituzte gaur goizeko 12:00etarako HUEZI osatzen duten Eskoriatzako, Aretxabaletako eta Bilboko fakultateen aurrean.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.