Akusatua matxista dela eta Andina bortxatzen zuela esan dute lekukoek
Joseba Andoniri bere neskalagun ohia, Andina, hiltzea leporatzen diote. Gertakariak 2014an gertatu ziren, Mungian. Epaiketa herri-epaimahaiarekin egiten ari dira Bizkaiko Auzitegian, eta gaur izan da bigarren saioan. Ustezko hiltzailearen eta biktimaren lagunek deklaratu dute.
Joseba Andoni “matxista” eta “oso jeloskorra” dela adierazi dute. Gainera, elkarrekin bizi izan ziren bitartean Andina bortxatu egiten zuela eta biktimaren seme-alabek beldurra ziotela kontatu dute.
Lekukoen arabera, Joseba Andonik ez zuen onartu Andinak harremana amaitu izana eta jazarri egiten zuen. “Egunero lantokira joaten zitzaion bila, Andinak ikusi nahi ez zuen arren”, esan dute.
Azaldu dutenez, Andinak berak aitortu zien elkarrekin bizi izan ziren bi urteetan bortxatu egiten zuela, eta haren irainak eta mehatxuak jasan behar izan zituela. Harremana hausteko urratsa ematea asko kostatu zitzaion, “umeei zerbait egingo zienaren beldurrez”.
“Kaletik hara eta hona begira zihoan beti”, deitoratu du lekuko batek. “Oso jeloskorra zen; berak edonori begiratu ziezaiokeen, baina Andinak ez”, erantsi du.
Akusatuaren lagun batek adierazi du Joseba Andonorengandik urruntzea erabaki zuela, neskalagunari tratu txarrak ematen zizkiola jakin zuenean. Harremana uzteko gomendatu zion orduan Andinari.
Bestalde, biktimaren familiaren abokatuak esan du homizidioa eta etxean indarrez sartzea egozteaz gain, Fiskaltzak eta Estatuko Abokatuak eskatu bezala, Joseba Andoniri tratu txarrak etengabe eman izana ere leporatuko diotela. Horrek hiru urteko zigorra gehitzea ekarriko luke. Hasiera batean 19 urte eta erdiko espetxealdia eskatu zuten harentzat.
Biktimaren seme-alaben kargu egin ziren Bizkaiko Foru Aldundiko gizarte zerbitzuetako arduradunak eta psikologoak berretsi egin dute haurrak amaren bikotekidearen beldur zirela.
Biktimaren atzazalen azpian ustezko hiltzailearen DNA arrastoak topatu zituzten; hilketaren egunean akusatuak zeramatzan galtzerdietan, berriz, Adinaren DNA aztarnak aurkitu zituzten.
Atxilotu eta gero, Palentziako Dueñas kartzelan espetxeratu zuten Joseba Andoni. Han artatu zuen medikuak ere deklaratu du epaiketan, bideokonferentzia bidez. Medikuaren arabera, “gaitasun psikologikoak bere horretan ditu eta egiten duenaz kontziente da”.
Epaiketa ostiral honetan amaituko da, auzitegiko medikuen testigantzekin eta aldeek behin betiko txostenen irakurketarekin. Ondoren herri-epaimahaiak gogoeta egingo du, ebazpena emateko.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.