Herri-epaimahaiak Andinaren hilketa argitzeko galdera sorta jaso du
Bilboko epaitegietan, herri-epaimahaiak goizean jaso du Andina Pereidaren hilketa argitzeko galdera sorta, ETBk jakitera eman duenez. Akusatua errudun jo ala ez; horixe erabaki beharko dute datozen orduetan. Fiskalak eta Estatuko abokatuak 15 urteko kartzela-zigorra eskatzen dute, akusazio partikularrak, 19 urte eta erdi; eta defentsak, aldiz, absoluzioa.
Joseba Andoni Agirrek, Andina Pereidaren ustezko hiltzaileak, “errugabea” dela berriz esan zuen epaiketaren azken saioan. 35 urteko bikotekide ohia 2014ko martxoaren 17an, Mungian (Bizkaia), plantxa baten kablearekin itotzea leporatzen diote Agirreri.
“Maite duzun pertsona hiltzea egotzita, kartzelan egotea oso gogorra da”, adierazi zuen akusatuak.
“Hertsapenaren aurrean ez nuen etsi”
Azken alegatuan, akusatuak “barkamena” eskatu zion epaimahaiari. “Hor eserita zaudete, errudun aitortzeko hertsapenaren aurrean etsi ez nuelako”, azpimarratu zuen.
Seme-alabak ikusi gabe bi urte baino gehiago daramatzala deitoratu zuen Joseba Andoni Agirrek. Epaiketan, lekukoei “mehatxari” begiratu ez diela nabarmendu zuen, “arretaz” baizik. Era berean, lekukoen testigantzak “bideratu” dituztela salatu zuen.
Bestalde, azken txostenean, ikerketa “irregulartasunez” josita dagoela esan zuen bere abokatuak, “metodo zientifikoa erabili ez dutelako”. “Inkisizioak ez du balio”, adierazi zuen, ertzainek akusatuaren aitortza lortzeko moduari erreferentzia eginez.
Akusatuak hildakoaren “mugimendu guztiak kontrolatzen” zituela azaldu zuen akusazio partikularrak, “oso jeloskorra” zelako. Hala, hilketa baino lehen, 17 egunetan zehar 1.000 dei baino gehiago egin zizkion biktimari.
Aldez aurretik lapurtutako giltzekin biktimaren etxean sartu zela gogorarazi du Ministerio Fiskalak. Bakarrik zegoela jabetu eta ito egin zuen. “Etxean egon zen eta hil egin zuen”, gaineratu du.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.