Palmako suteak 3.600 hektarea erre ditu jada
Larrialdi zerbitzuek Palman piztutako sutearen ipar partea geldiaraztea lortu dute, hiru egunez borroka egin ostean, eta orain ekialdera eta hegoaldera hedatzea galaraztea dute helburu.
Dagoeneko 3.600 hektarea erre dira, eta 2.500 pertsonak etxetik alde egin behar izan dute.
Haizearen norabidea aldatzen ez bada, eta hedapena galarazten badute, egoera hobea dela esan ahalko dutela azaldu du Isabel Garcia Tejerina Espainiako Gobernuko jarduneko Ingurumen ministroak.
Iparraldean baikor diren arren, kezka nagusia hegoaldea da une honetan, eta bertan ari dira suhiltzaileen hegazkin guztiak lanean, bat izan ezik.
Ministroaren esanetan, oraindik ezin dute jakin noiz izango duten sua kontrolatuta, eguraldiaren araberakoa izango baita hori.
Horregatik, kontuz ibiltzeko deia egin die herritarrei, Kanarietan beroaldia baitago. Uharte batzuetan, 39 ºC baino gehiago markatzen dute termometroek.
Muturreko tenperatura horiek eta hezetasun ezak, hain justu, sutea itzaltzea zailtzen dute.
Albiste gehiago gizartea
Nojan agertu den alga asiarra Kantauri itsasoko gainerako lekuetara zabal daitekeela ohartarazi du Kantabriak
Kantabriako Gobernuak joan den ostiralean ekin zion Nojako hondartzak estali dituzten alga horiek biltzeari. Lehenengo hiru egunetan 1.620 tona erretiratu ziren eta udalaren lursail batean utzi zituzten, tratatu eta konpost bihurtzeko.
Gizon bat atxilotu dute Donostian barbakoa batean sartu eta bertan zegoen pertsona bati bularrean labankada bat emateagatik
Gertakaria astelehen arratsaldeko zortziak aldera izan zen, Gipuzkoako hiriburuko Bidebieta auzoan.
Muturreko tenperaturei aurre egiteko aholku sorta
Azken egunetan pilatutako beroak eta aste amaierara arte aurreikusitakoak, nahitaez prebentzio-neurriak areagotzea eskatzen duela ohartarazi du Eusko Jaurlaritzak, eta horretarako gomendio batzuk argitaratu ditu.
Zarrakazteluko suteak 220 hektarea erre ditu, Nafarroako Gobernuaren arabera
Suhiltzaileek atzo arratsaldean lortu zuten sutea egonkortzea eta inguratzea, eta goizean zehar ingurua freskatzeko aritu dira, baina oraindik ez dago guztiz itzalita. Suhiltzaileak kezkatuta daude arratsaldeko haize aldaketak, eta muturreko tenperaturek, sugarrak berriro piztuko ote dituen.
500 jarduera baino gehiago Bilboko Aste Nagusian, "adin eta gustu guztietan pentsatutako" programarekin
Bilboko Udalak zuzeneko musika emanaldiak, kaleko antzerkiko 23 ikuskizunak eta piroteknia lehiaketa goraipatu ditu.
Vilorian 34 urteko gizon baten hilketagatik atxilotutako gizona espetxeratu dute
Udalak elkarretaratzea deitu du gaurko, 20:00etan, hilketa gaitzesteko; Ertzaintzak ikerketa zabalik du.
Lagako hondartza hustu dute, uretatik atera duten 25 urteko emakume bat helikopteroz ospitalera eramateko
Gertakaria 19:00ak aldera izan da, Lagako hondartzako sorosleek uretan arazoak zituen 25 urteko gazte bat ikusi dutenean. Erreskatatu ostean, bihotz-biriketako bizkortze-maniobrak egin dizkiote. Bertaratutako osasun-langileek suspertze-maniobrekin jarraitu dute, ospitalera eramateko helikoptero bat iritsi den bitartean.
Zarrakazteluko sutea inguratzeko lanean jarraitzen dute suhiltzaileek
Larunbat gauean Nafarroako Zarrakaztelu herriko baso-paraje batean piztutako sutea ez dago oraindik inguraturik. Suhiltzaileek lurretik eta airetik lanean jarraitzen dute gauean aireko baliabideak alde egin aurretik.
Bi pertsona atxilotu dituzte Getxon gizon bat sastatzeagatik
Erasoa gaur arratsaldean gertatu da, 14:20 aldera, Getxoko Algorta auzoan.
Iruñeko mendizale bat hil da Russell tontorrean, Aragoiko Pirinioetan
26 urteko gaztea Posets-Maladeta Parke Nazionalean aurkitu zuen GREIMek, lur malkartsuan erori ondoren.