Athleticek bat egin du Agirre lehendakariari egin zaion omenaldiarekin
Athleticek bat egin du San Mamesen Jose Antonio Agirre lehendakariari egin zaion omenaldiarekin; izan ere, aurten 80 urte bete dira lehen Eusko Jaurlaritza eta lehendakaria hautatu zutenetik. 1936an izan zen. 1920ko hamarkadan, baina, Athleticeko jokalari izan zen. Bartzelonaren aurka jokatu duen partida aprobetxatu du talde zuri-gorriak hura omentzeko.
Partida horren atsedenaldian, zenbait ekitaldi egin dituzte, bai San Mamesen inguruan eta baita futbol-zelaian bertan ere; horiekin, Athleticek bat egin nahi izan du azken hilabeteotan arlo sozial eta politikoan Agirreren omenez egin diren ekitaldiekin.
19:00etan, Don Terencio, Doña Tomasa, Pichichi eta Agirre lehendakariaren erraldoiek elkarretaratzea egin dute San Mamesen ondoan. Halaber, futbol-zelaiaren kanpoaldeko pantailek Agirrek Athleticen izan zuen ibilbideari buruzko bideoak eman dituzte. Gainera, partidara joan direnek argitalpen berezi bat jaso dute, lehen lehendakariaren kirol- eta politika-bizitzaren gaineko informazio eta argazkiak biltzen dituena.
San Mamesen barruan, Athletic-Bartzelona partidaren atsedenaldian egin dituzte hura omentzeko ekitaldiak. Aurrena, bideo bat eman dute, Jose Antonio Agirrek talde zuri-gorrian izandako ibilbidearen gainekoa. Jarraian, haren birbilobak zelairatu dira, futbol-zelaiari buelta bat ematera, erraldoiak lagun zituztela.
Agirreren erraldoia egun berezi horretarako egin dute, eta Bilboko Erraldoi eta Buruhandien Konpartsarekin aritzen direnekin ibiliko da aurrerantzean.
Jose Antonio Agirrek 1921etik 1925era jokatu zuen Athleticen, eta 46 partidatan irten zen hasierako hamaikakoan. Batez ere, esker hegalean jartzen zuten entrenatzaileek. 1923ko Kopa irabazi zuen.
Halaber, Iñigo Urkullu lehendakaria eta Josu Erkoreka eta Cristina Uriarte sailburuak ere izan dira Athletic eta Bartzelona taldeen arteko futbol partidan.
utbol partidan. utbol partidan.Albiste gehiago gizartea
Ganadu feriak aldi baterako debekatu dituzte Euskal Herri osoan, dermatosi nodularra dela eta
EAEn eta Nafarroan azaroaren 30era arte egongo da indarrean debekua, eta Ipar Euskal Herrian, berriz, azaroaren hasierara arte. Nolanahi ere, egoeraren bilakaeraren arabera, lurralde guztietan debekua denboran luzatzea erabaki dezakete.
Eusko Jaurlaritzako Segurtasun Sailak bi ertzaini EHUn egindako "boikota" gaitzetsi du
Kriminologia ikastaroko ikasle batzuek protesta egin zuten agente horiek hitzaldi bat eman ez zezaten, eta irakasleek dinamika bertan behera uztea erabaki zuten.
Milia Kuantikoa, zientzia esparruan egiten duten lana ikusarazteko tresna
Aurkezpenean izan dira Zientzia, Unibertsitate eta Berrikuntzako sailburu Juan Ignacio Perez Iglesias, EHUren Gipuzkoako campuseko errektoreorde Juana Goizueta eta Basque Quantumen zuzendari Javier Aizpurua. Bisita birtualerako sarbidea ibilbideko totem fisikoetan instalatutako QR kodeen bidez eta Basque Quantumen webgunearen bidez eskuratu daiteke.
Giza Eskubideen Europako Auzitegiak Espainia zigortu du Iruñean izandako bortxaketa bikoitz bat behar bezala ez ikertzeagatik
Epaiak 2023ko azaroan bi neska iruindarrek aurkeztutako demanda ebazten du. Salaketa horren arabera, 2016ko abenduan bortxatuak izan ziren kontzientzia eta borondatea baliogabetu eta mendetasun kimikoko substantziaren bat (burundanga) emanez zentzu oro kendu ondoren; eta bortxaketa horiek zigorrik gabe geratu ziren, Nafarroako epaitegiek eta auzitegiek kasua artxibatu zutelako epaiketarik egin gabe.
Urtero legez, Balmasedan, putxera bete indaba
Aurten, errekorra hautsi dute eta 231 parte-hartzaile izan dira lehian indaba-jan onenaren tituluagatik. Goizean zehar haizea ibili da, baita euria ere, ez diote jai-giroari enbarazurik egin.
Bilboko gazte bat ikertzen ari dira, TikTok bidez makila-estokeak fabrikatu eta saltzeagatik
Bilboko Udaltzaingoak izapideak ireki ditu San Adriango bizilagun baten aurka. 33 urteko gizonak makila-estokeak fabrikatu eta saltzen zituela zabaltzen zuen sare sozialetan, bideoen bidez.
Benjamin borraskak hainbat intzidentzia eta gorabehera eragin ditu, gehienak errepideetan
Kamioi batek artaziarena egin du N-1ean, Villabona parean, eta errepidea itxi behar izan dute Donostiara bidean. 09:00ak aurretik ezbeharra izan duen Ibilgailua erretiratu dute. Halaber, haize-ufada zakarren ondorioz, zuhaitz bat bidera erori da Meñakan, eta BI-631 errepidea guztiz itxi dute, Bermeora bidean.
45 urte Ortuellako tragediatik, oraindik sendatu ez den zauria
1980ko urriaren 23an, 50 adingabe eta 3 heldu hil ziren Marcelino Ugalde ikastetxe publikoan, gas-leherketa batean. Eskola jada ez da existitzen, baina tragedia haren minak oroimenean irauten du, 45 urte geroago.
Sute izugarri batek Zumaiako baserri bat erre du
Ez da inor zauritu, eraikina hutsik zegoelako. Suhiltzaileak bertaratu dira, sutea itzalitzeko eta sutea zerk eragin duen jakiteko. Zumaia eta Getaria lotzen dituen N-634 errepidea itxi behar izan dute, garrak itzali arte.
Eusko Jaurlaritzak jarduera fisikoa eta ongizatea sustatzeko Mugiment Mahaia aurkeztu du
Mugiment Mahaiaren helburua aldaketa soziala sortzea da, sinergiak sortuz eta modu koordinatuan lan eginez.