Hiru ustezko jihadista atxilotu dituzte Melillan eta Bartzelonan
Bost usteko jihadista atxilotu dituzte, Estatu Islamikoaren talde bateko kide izatea leporatuta. Horietako hiru Espainian atzeman dituzte (Bartzelona eta Melilla) eta, beste biak, Wuppertalen (Alemania) eta Bruselan (Belgika).
Nazioarte mailako operazioa da, eta hiru herrialdetako poliziak egin dute elkarrekin. "Egitura oso ondo antolatuta" zuen talde baten kide ziren bostak, eta muturreko propaganda zabaltzeko zeregina zuten.
Interneteko zenbait kanalen bidez jardun eta "Islam espainieraz" deitutako Facebookeko orrialde batean bat egiten zuten elkarrekin. Orrialde horrek 32.000 jarraitzaile baino gehiago ditu, eta Alemanian eta Belgikan atxilotutako lagunek kudeatzen zuten.
Gaztelaniaz idazten zuten informazioa, nagusiki, erlijio-testuak zabaltzeko eta, tarteka, Estatu Islamikoak eta jihadistek egindako ekintzak txalotzeko.
Espainiako Barne Ministerioak ohar baten bidez jakinarazi duenez, taldeak "organizazio terroristaren esanak" betetzen zituen, ekintza terroristak egitera bultzatzea zuen helburu, "terrore informazioa" izenarekin ezagutzen den gerra-taktika egitea, erradikalak aurkitu eta hautatzea behar bezala trebatu eta kolaboratzaile bihurtzeko, EIren etorkizuneko borrokalariak izateko aukeratutakoak bitartekariekin harremanetan jartzea organizazio terroristak bere menpean dituen lurraldeetara heltzen laguntzeko, eta EIren propagandarako aparatu gisa jokatzea taldearen berri modu masiboan zabaltzeko.
Operazioa Polizia Nazionalak, Bartzelonako eta Melillako Probintzia Brigadek, Alemaniako Ikerketa Kriminaleko Bulegoak eta Belgikako Polizia Federalak elkarrekin egindako lanaren emaitza da, eta zabalik dago oraindik.
"Segurtasunerako mehatxu larria Europan"
Jorge Fernandez jarduneko Barne ministroaren esanetan, atxilotuek "nazioarte mailako oso zelula arriskutsua" osatzen zuten eta "segurtasunerako mehatxu larria ziren Europan".
Hedabideen aurrean egindako agerraldian esan duenez, ustezko jihadistak -lau espainiarrak eta bestea marokoarra- "oso ondo antoltatutako eta erradikalizatutako" sare baten kide ziren, eta zeregin "garrantzitsua" zuten Europar Batasunean, kide berriak aurkitu, hezi eta hautatzeko.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.