Rosettak bere zeregina amaitu du eta 67P kometaren azalean jarri da
Iragarrita zegoen moduan, Rosetta zundak bere zeregina amaitu du eta 67P Churyumov-Gerasimenko kometaren aurka talka egin du ostiral honetan. Dena den, oraindik azken hilabeteetan bidali dituen datuak eta argazkiak ikertu behar dituzte, Eguzki Sistemaren sorrera eta bilakaera ulertzen lagunduko baitute.
Prestatutako amaiera horren berri Europako Espazio Agentziak (ESA) eman du, Alemaniako Darmstadt hirian duen operazio-zentrotik. 09:19ean (Euskadin) amaitu da Rosettaren zundaren misioa, Lurrera seinalea bidaltzeari utzi dion unean.
Aurretik, ordea, 67P Churyumov-Gerasimenko kometaren azalean jarri da, orduko 3,2 kilometroko abiaduran ibili ostean. 08:39ean izan da hori, baina jaisteko operazio horretan, datuak bidaltzen jarraitu du Rosettak.
Adituen arabera, Rosettak 67P kometaren magalaren aurka egin du talka. Izotzez, harriz eta hautsez osatuta dagoen kometa bat da, 10.000 miloi tona eta 25 kilometro kubiko inguru dituena.
1969. urtean, Klim Churyumov eta Svetlana Gerasimenko ikertzaileek aurkitu zuten kometa hori.
2004ko martxoaren 2an hasi zen Rosettaren zeregina espazioan, eta 6.400 milioi kilometro egin ostean, duela bi urte heldu zen kometaren orbitara.
Rosettak 67P Churyumov-Gerasimenko kometari atera zion argazki bat. Argazkia: EFE
“Ikuspuntu teknologiko batetik aztertuta, misioa izugarria izan da. Guk 2014an lortu genuen kometa baten azalean jartzea, baina ordura arte beste inork ez zuen hori lortu. Ikuspuntu zientifiko batetik ikusita, datu ugari ditugu Eguzki Sistemaren sorrera ikertzeko eta horren bilakaera ulertzeko”, adierazi du Juan Miro ESAko kideak.
Eguzki Sistemara heldu aurretik Rosettak espazioan zehar egin duen bidai horretan, Lurraren eta Marteren grabitazio-indarra erabili du aurrera egiteko, ez baita existitzen zunda bat kometa jakin bateraino zuzenean bidali dezakeen kohete edo jaurtigailurik.
Esan bezala, Rosettak kometa baten gainazala aztertzea zuen helburu. Izan ere, planetetakoa baino material primitiboagoa aurkitzea espero zuten ikertzaileek; Unibertsoaren sorkuntzari buruzko misterioak argitzen lagunduko zuketenak.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.