Ez dakite Schiaparelli modulua Marten onik lurreratu ahal izan den
Europako Espazio Agentziak (EEA) ezin dezake oraindik baieztatu zer egoeratan dagoen ExoMars espazio-ontziko Schiaparelli modulua, Marten lur hartu behar zuenean aurreikusi ez bezala aritu ostean; horrenbestez, denbora gehiago behar du datuak aztertzeko, baina ez du baztertzen behar bezala galgatu ezin izatea.
Moduluak atzo lur hartu behar zuen planeta gorrian, baina Marteko atmosferan barrena egin behar zuen sei minutuko jaitsiera amaitzear zegoela komunikazioa galdu zen, eta ezin izan dute orain arte berreskuratu.
Schiaparelli Marteko atmosferaren goiko partean sartu zen, jausgailua ireki zuen bere abiadura galgatzeko, aurrealdeko ezkututik bereizi zen, baina ez zen jausgailutik askatu espero zen eran. Hala adierazi du Andrea Accomazzok, EEAko arduradunetako batek.
Hala ere, sinetsita dago zehatz-mehatz jakin ahal izango dela zer gertatu den eta hura azaltzeko gai izango direla.
Seinalea galdu arte Schiaparellik igorri zituen datu guztiak ditu EEAk, eta datu horiek atmosfera zientifikoki aztertzeko erabili ahal izango dira.
Aurreikusita zegoen lurreratze-sekuentziaren arabera, Schiaparelli 14:42an (GMT) sartu behar zen Marteko atmosferan eta sei minutuz jaitsi behar zen.
EEAren esanetan, ondo sartu zen atmosferaren goiko partean.
Jaisten hasi eta hiru minuturen ondoren, jausgailua ireki zen, Schiaparelliren abiadura 1.650 kilometro orduraino jaitsi eta modulua Marteko zaletik 11 kilometrora zegoela.
Lau minutu pasa ostean, azaletik 1,3 kilometrora eta 240 kilometro orduko abiaduran, jausgailua askatu behar zen, baina hori ez zen gertatu aurreikusita zuten legez, eta ez dakite zer egin zuen.
Une horretan moduluaren jaitsiera 10 kilometro ordura galgatu behar zuten motorrak piztu behar ziren, baina hiru edo lau segundoz besterik ez ziren egon martxan; hortaz, baliteke abiadura ez moteldu izana Marteko azalean lurreratzeko adina.
Zure interesekoa izan daiteke
Lukas Agirreren hilketan erabili zuten labana "oso arriskutsua" zela nabarmendu du polizia zientifikoak
Ertzaintzako polizia zientifikoaren agenteek krimena gertatu zen lekua ikuskatu zuten, eta haien deklarazioa izan du ardatz epaiketaren zazpigarren saioak.
Laura jaitsi da "Ambition" ontzian gastroenterisak jota bakartutakoen kopurua
Kanpo-osasun departamentuko langileek kaltetutako ontzia aztertu dute goizean, eta, hasiera batean 18 baziren ere gastroenteritis arruntak jota zeudenak, ikuskapenaren ondoren murriztu egin da kopurua, eta lau daude orain bakartuta. Ontzia arratsaldean atzera itsasoratzea esepero da, bidaian jarraitzeko, Frantziarantz.
Pazienteen hizkuntzan egiten ez jakiteak arriskuan jartzen du diagnostiko zehatza, Pompeu Fabraren ikerketa baten arabera
Lanak ohartarazi duenez, egoerak ez die etorri berriei soilik eragiten, "munduko hainbat herrialdetan hizkuntza gutxituetan hitz egiten duten lurraldeetako herriatarrei ere". Gainera, ikusi dutenez, kasu gehienetan adinekoek eta haurrek arrisku handiagoa dute osasun-arretako hizkuntza-desoreka horren ondorioak pairatzeko.
Justiziak arrazoia eman dio Shakirari eta 60 milioi euro itzultzeko eskatu dio Ogasunari
Auzitegiak onartu egin du artistak Zerga Agentziaren ebazpenaren aurka jarritako errekurtsoa, eta bertan behera utzi ditu ezarritako likidazioak eta zehapenak, Administrazioak ez baitu egiaztatu 2011n abeslaria Espainian 183 egun baino gehiago egon zenik, eta legeak Pertsona Fisikoen Errentaren gaineko Zerga (PFEZ) ordaintzeko hori eskatzen du.
Kamioi batek istripua izan du eta karga galdu du A-8an, Galdakaon, eta auto-pilaketa luzeak sortu dira
Kamioilaria, zaurituta, ospitalera eraman dute, eta ibilgailua lekutik kentzeko lanean ari badira ere, zirkulazioa bere onera etorri da.
Getxoko portua, gastroenteritis agerraldiak jotako gurutzaontzia jasotzeko prest
Goizeko bederatziak alderako da iristekoak. Une honetan, gastroenteritis arrunta duten 17 pertsona daude ontzian, isolatuta.
500 urte Bizkaiko Foru Barria onartu zenetik, John Adams eta Humboldt liluratu zituen lege zaharra
1526an onartua, Bizkaiko Foru Barria giltzarri izan zen lurraldearen autogobernua eraikitzeko. Aurrerazalea eta berdinzalea izan zen, hala nola genero-berdintasunean edo berme prozesaletan.
Gizon bat oso larri zauritu da Barasoainen, motokultore batekin izandako istripu batean
Ezbeharra Barasoaingo baratze batean gertatu da, Restaño inguruan, motokultore batekin lanean ari zen gizona makinak harrapatuta geratu denean.
SAPAko akziodun nagusiak Reala "irudi garbiketa" egiteko darabilela salatu dute Anoeta aurrean
“Gerrari ez, bizitza duinak denontzat!” lelopean, armagintzaren aurkako konpromisoak eta erabakiak har ditzatela eskatu diete agintariei. Ildo horretatik, iragarri dute hurrengo asteetarako Bilbon, Gasteizen eta Iruñean hainbat ekintza egingo dituztela.
LGTBI kolektiboaren aldarria Bilbon eta Iruñean, Homofobia, Transfobia eta Bifobiaren aurkako Nazioarteko Egunean
Trans pertsonenganako "indarkeria instituzionala" salatu dute Bilbon. Iruñean, berriz, "espazioak lasaitasunez okupatzeko eta bizitzeko" eskubidea aldarrikatu dute.