Kordobako sexu abusuaren biktimak berriz deklaratzea eskatu dute
Sanferminetako bortxaketagatik behin-behinean kartzelan dauden bost lagunetatik lauri beste sexu abusu bat leporatzen diete Pozoblancon (Kordoba), eta Kordobako biktimak berriz deklaratzea eskatu du gaur lau gazteen defentsak, aurreko astean epailearen aurrean deklaratu zuenean defentsa abokatuak ez zeudela argudiatuta.
Pozoblancon (Kordoba) 21 urteko neska bat bortxatzea leporatzen diete, eta salaketaren arabera, biktimari burundanga droga eman zioten eta, gero, auto batera igo zuten.
Lau akusatuek bideokonferentzia bidez deklaratu dute kartzelatik. Pozoblancoko instrukzio epaitegiak bere gain hartu du Pozoblancoko sexu abusua, sanferminetako bortxaketa ikertzen ari zen Iruñeko epaileak sexu abusua argitara atera ostean.
Droga eman ziotela eta bortxatu egin zutela adierazi zuen biktimak epailearen aurrean, eta hiru lekukoek ere haren bertsioa berretsi zuten.
Pozoblancoko epaileak defentsaren eskaria aintzat hartu du eta, beraz, biktimak eta hiru lekukoek berriz deklaratu beharko dute datozen egunetan.
Bestalde, Defentsak Nafarroako Foruzaingoaren aurka egin du Kordobako auzian eskumenik ez duela argudiatuta. Are gehiago, formetan izandako akatsengatik izapideak bertan behera uztea eskatzen du. Izan ere, Iruñeko epailearen ikerketarengatik abiatu zen ikerketa,, ez biktimak salaketa jarri zuelako.
jarri zuelako.Zure interesekoa izan daiteke
Bi gidari hil dira astearte honetan Nafarroan izandako bi istriputan
56 urteko motozale bat hil da Izaban motorretik erorita. 60 urteko beste gizon bat hil da Esteribarren, bidetik irten ostean.
Baldintzak, epeak eta nola eman izena Osakidetzako EPEko azterketetan
Eskainitako 41 kategorietako batean izena emateko gida, pausoz pauso.
United Airlinesek Bilbo eta New York arteko hegaldi zuzenak eskainiko ditu irailaren 23ra arte
Konpainiak hiru hegaldi eskainiko ditu astean Loiuko eta Newmarkeko aireportuen artean. Zerbitzua joan den udan jarri zen martxan lehen aldiz, eta 14.400 bidaiari baino gehiago jaso zituen 2025ean.
17.000tik gora ikaslek hasi dituzte gaur unibertsitatean sartzeko probak Hego Euskal Herrian
Azterketak, ohi bezala, hiru egunez egingo dira, eta prozedurak bi fase ditu: sarbidea eta onarpena. Azterketen emaitzak ekainaren 10ean argitaratuko dira.
Global Sumud Euskal Herriak kereila kriminala aurkeztu du Ertzaintzaren eta Zupiriaren aurka, Loiuko jarduketa "basatiagatik"
Global Sumud Flotillaren euskal ordezkaritzak kereila kriminala aurkeztu du astearte honetan Loiun aktibisten ongietorrian aritu ziren ertzainen, polizia-dispositiboa zuzendu zuten buruzagien eta Bingen Zupiria Segurtasun sailburuaren aurka, hainbat delitu egotzita; besteak beste, legez kanpoko atxiloketa, lesioak eta gorroto-delitua, Bilboko aireportuan ontzidiko aktibistei egindako harreran izandako istiluen ondorioz. Hala iragarri dute Euskal Herriko Global Sumud Flotilla ordezkatzen duten Haizea Ziluaga eta Iker Sarriegi abokatuek, Bilboko epaitegiaren atarian.
Espainiako Gobernuak Estatutu Markoaren erreforma onartu du, medikuen oposizioa gorabehera
Onarpena ia lau urteko negoziazioen ondoren iritsi da; medikuen sindikatuek aurka jarraitzen dute eta grebarako deialdiari eutsi diote.
Zortzi kilometrorainoko auto-ilarak N-1 errepidean, Villabona parean izandako istripu baten ondorioz
Bi ibilgailuk istripua izan dute eta ondorioz errei bat itxi dute Lasarte-Oriara bidean.
Eusko Jaurlaritzak umeak 4 urte izan arte luzatuko du seme-alabako hilean 200 euroko laguntza unibertsala
Dekretuak, halaber, zabaldu egin ditu guraso bakarreko familiei ematen zaizkien laguntzak, 4 eta 7 urte arteko haurren gurasoei emango dizkie, hilean 100 eurokoak.
Lekeitioko Udalak errekurritu egingo du EAEko Auzitegi Nagusiak aparkalekuei buruz emandako ebazpena
Uda honetan, egungo araudia aplikatzen jarraituko du, inguruko udalerrietako bizilagunek TAOaren gune berdean aparkatzeko aukera izan dezaten; ez, ordea, turistek zein herrian bigarren etxebizitza dutenek.
Ertzaintza 46 urteko gizon baten heriotza ikertzen ari da, Mundakan
Gorpuak kolpeak ditu. Autopsiaren emaitzaren zain, hipotesi guztiak zabalik ditu Ertzaintzak.