Stockaren Azoka, BECen
Euskadiko 'outlet' azoka handiena hemen dago. Bilbao Exhibition Centren (BEC) asteburuan (azaroaren 4an, 5ean eta 6an) egingo dute Stockaren Azoka.
XI. edizio honetan, 222 saltokik % 80rainoko deskontuak eskainiko dituzte hainbat produktutan. Hala nola, arropa eta osagarriak, osasuna eta edertasuna, kirol-jantziak, etxeko gauzak, elektronika eta asiarekin lotutakoak.
Antolatzaileek ohar batean adierazi dutenez, lehen mailako marken produktuak prezio paregabea topatu ahalko dituzte kontsumitzaileek. Besteak beste, marka hauetako arropa eta oinetakoak egongo dira salgai: Calvin Klein, Tommy Hilfiger, Lois, Guess, Levis, Geographical Norway, Mustang, Billabong, Globe, DC, Vans, Supra, Volcom, Carhartt, Adidas, Joma, Elements, Mercury, Nike, New Balance, Munich, Farrutx, Pedro Miralles, Pons Quintana, Mayoral, Dolce Petit…. Horrez gain, eta berrikuntzen artean, edizio honek ezkongaiei eta festetarako jantziei eskainitako saltoki bat izango du; eta baita moda aholkularitza eskainiko duen personal shopper bat ere.
Stock Euskadik 12.000 metro karratuko azalera hartuko du BECeko 1. Pabiloian, eta 11:00etatik 21:00etara egongo da zabalik. Sarrerak bi euro balioko ditu, eta 14 urtetik beherakoak dohainik sartuko dira. Bertan, adin guztietara egokitutako ludoteka aurkituko dute (puzgarriak txikienentzat, bideo-jokoak nagusiagoentzat). 40.000 bisitari espero dituzte antolatzaileek.
Food Truckak
Eskaintzak ez ezik, alderdi ludikoaz ere gozatzeko aukera emango du azokak. Hala, La Salve etxearen garagardo aukeraz zein Food Truck izenekoek (gastronomia furgonetak) eskainitako janariez gozatu ahalko dute bisitariek.
Halaber, eta ohikoa izan den bezala, bertaratutako pertsona guztiek esku-diru zozketetan parte hartzeko aukera izango dute. Egunero 200 €-ko bost zozketa egingo dituzte.
Elkartasunerako tartea ere edukiko du azokak. Oraingo honetan, Gorabide adimen urritasuna duten pertsonen aldeko Bizkaiko elkarteak 3.000 euroko dohaintza jasoko du. Elkarteak stand bat izango du BECeko atarian, eta larunbat eguerdian emango diete diru-ekarpena.
Zure interesekoa izan daiteke
Gasteizko Alde Zaharra birgaitzeko plan berriak 35 hotel jartzea baimenduko du
Alde Zaharraren 'Birgaitze Integraturako Plan Berezia' izeneko ituna adostu dute PSEk, EAJk eta PPk. Plan horren arabera, lekuz aldatuko diren tabernei lizentzia mantenduko zaie, eta eraikin osoetako 35 hotel, gehienez jota, jarri ahalko dira.
Iaz baino sagar gutxiago bilduko dira aurten, baina indar handia dakarte sagardorako
Sagar uztaren aurkezpena egin dute Villabonako Otalarre sagastian; izan ere, lehortea dela eta ohi baino lehenago hasi dira batzen aurten sagarra. Unai Agirre Euskal Sagardoa Jatorri Deiturako koordinatzaileak adierazi duenez, iazkoarekin alderatuta, % 60 murriztu da bildutakoa. Guztira, milioi bat eta erdi kilo jasotzea aurreikusi dute. Usain eta gustu handia izango dutenez sagarrek, sagardoak alkohol gehiago izango du.
Hondarribiko jaietan gertatutako hiru eraso matxista salatu ditu Udalak, eta gizon bat atxilotu dute
Udalak indarkeria matxistaren adierazpen guztiak “irmo” gaitzetsi ditu. Bestalde, Ertzaintzak 21 urteko gizon bat atxilotu du irailaren 10ean emakume bati sexu erasoa egitea leporatuta.
EAEko Justizia Auzitegi Nagusiak baliogabetu egin du euskal administrazioan euskararen erabilera arautzen duen dekretua
Euskal Autonomia Erkidegoko Auzitegi Nagusiak memoria ekonomikoan dauden gabeziengatik baliogabetu du Voxek errekurritu zuen araua.
Ehun bat ikuskapen egin dituzte uda honetan EAEko udalekuetan
Eusko Jaurlaritzak hiru ikuskatzaile-plaza sortu zituen, Bernedoko udalekuetan adingabeen sexu-askatasunaren aurkako ustezko delituak salatu ondoren.
Lukas Aguirreren hilketagatik zigor handiena duenak helegitea aurkeztu du, homizidio delitu gisa epaitu dadin
Defentsak Auzitegiari eskatu dio 20 urteko zigorra murriztu dezala, argudiatuz hilketa borroka batean jazo zela eta akusatuak politoxikomaniaren muturreko koadro bat zuela. Donostiako erdiguneko diskoteka baten kanpoaldean gertatu zen, 2022ko abenduaren 25eko goizaldean
Pisako emaitzak hobetzeko autoexijentzia eta Hezkuntza Sistemarekiko konfiantzaren alde egin du Pedrosak
Radio Euskadiko Boulevard saioan egin dioten elkarrizketan Begoña Pedrosa Eusko Jaurlaritzako Hezkuntza sailburuak azaldu duenez, ikasleen irakurketa gaitasuna hobetzeko neurriak ezartzen ari dira ikastetxeetan, PISA txostenaren emaitza txarren ondorioz.
Nafarroako bizilagun bat identifikatu dute Internet bidez debekatutako armak saltzeagatik
Guardia Zibilak webgunea behin-behinean blokeatu du, eta titularra administrazio-zehapena jartzeko proposatu du.
Bonelli arranoa itzuli da: bi kume jaio dira eta itxaropena berpiztu da Nafarroan
Urteetan, Bonelli arranoa desagertzeko zorian egon da Araban eta Nafarroan. Ale berriak ekarri dituzte eta bertakoekin ugaldu dira. Kumeak izan dituzte, bi, Nafarroan: Ida eta Ondallu.
Eusko Jaurlaritzak euskara babes bereziko kultura ondasun immaterial izendatzeko prozesuari ekin dio
Ekimen horren bidez, euskarari "prestigio handiagoa eta aitortza juridiko eta administratibo sendoagoa" eman nahi dio.