Asteburua Euskal Herrian: ilun, hotz eta euritsu
Euri-jasak, tenperaturaren bat-bateko jaitsiera eta ipar-mendebaldeko haize zakarra. Osagai horiek izango ditu azaroko lehen asteburuak. Horrenbestez, Euskal Herriak Mordorren itxura hartuko du, J.R.R. Tolkien idazleak 'Eraztunen jauna' eleberri sortarako asmatutako herrialdearena.
Euskalmet Euskal Meteorologia Agentziak egindako iragarpenaren arabera, fronte hotza sartuko da larunbatean, eta goi geruzetan aire hotza dagoenez, ezegonkortasuna eta giro iluna izango dugu nagusi. Iragarpen hori oinarri, Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia ezarri du larunbaterako, prezipitazio handiak izango baitira, aurreikuspenen arabera. Abisua 06:00etatik 15:00etara egongo da indarrean.
Ostirala eguraldi lasaiarekin abiatu dugu, baina orduak pasatu ahala, erdi mailako hodeiak eta goi-hodeiak ugarituz joango dira. Eguerdian, zerua oso hodeitsu geratuko da, eta euri apur bat egingo du, batez ere barnealdean. Arratsaldean, atertzera egingo du, eta ostarteak zabalduko dira; egunaren amaieran, baina, zaparrada batzuk botako ditu berriro. Eguerdian, hego-haizea zakartu egingo da, isurialde atlantikoan tenperatura atzo baino gehiago igoko da, baina gainerako eskualdeetan tenperaturak behera egingo du.
Larunbatean, haizea aldatzearekin batera makurtuko da eguraldia. Goizeko lehen orduetan, ipar-mendebaldera aldatuko da, eta, une horretatik aurrera, zerua estali egingo da. Euria erruz egingo du, bereziki isurialde atlantikoan; zaparrada handiak bota ditzake zenbait lekutan. Euria egiteaz gainera, dezente hoztuko du, izan ere, tenperatura maximoak bezperan baino 10 bat gradu beherago kokatuko dira (14 ºC inguruan). Egunaren amaieran, haizeak mendebaldera egingo du, ostarte batzuk irekiko dira, eta euria ez du goizean bezain mardul egingo. Elur-maila 1.500 metrotik behera jaitsiko da egunaren amaieran.
Igandean, tenperatura are gehiago jaitsiko da, baita elur-maila ere. Isurialde atlantikoan, ezegonkortasuna izango da nagusi: zaparrada mardulak botako ditu, eta trumoiak jo eta txingorra ere egin dezake noizean behin. Hegoaldean, tarteka bustiko du, baina intentsitate txikiagoarekin. Tenperatura maximoek doi-doi gaindituko dituzte 10 ºC-ko maila, eta izotza egingo du mendi inguruetan. Elur-kota 1.000 metro ingurura jaitsiko da egunaren amaieran. Ipar-mendebaldeko haizea zakar ibiliko da, eta hotz sentsazioa handitu egingo du.
ditu egingo du.Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.