TTIP eta CETAk multinazionalei bakarrik on egiten dietela salatu dute
Ehunka pertsona bildu dira larunbat honetan Bilbo, Donostia, Gasteiz eta Iruñean Europar Batasunak Kanadarekin dagoeneko sinatuta duen CETA itunaren aurka, baita Europar Batasunak eta Ameriketako Estatu Batuek elkarrekin sinatu nahi duten TTIP itunaren kontra ere. Bata zein bestea merkataritza askeko itunak dira, manifestazioen antolatzaileen esanetan multinazionalei are eta botere gehiago aitortuko dietenak, herritarren eskubideen kaltetan.
"TTIP/CETA, EZ. Herriek erabaki. Gure lurra eta eskubideak defenda ditzagun" leloa zuten pankartak egon dira manifestazioak zabaltzen, eta haien atzetik ehunka herritar.
Euskal Herriko Eskubide Sozialen Kartarekin eta TTIP/CETAren aurkako kanpainarekin bat egin duten hainbat erakundek deituta egin dira protesta martxak; izan ere, "indarrak batzea" erabaki dute itun mota horien aurkakotasuna ikustarazteko.
Bilbo zeharkatu duen manifestazioaren burua. Argazkia: EiTB
Erakunde horien artean daude ELA, LAB, CCOO, ESK eta Steilas sindikatuak, Euskal Herriko ehun erakunde sozial baino gehiago eta EH Bildu eta Elkarrekin Podemos alderdiak, besteak beste.
Hedabideei eginiko adierazpenetan, antolatzaileetako batek azaldu du gaur egindako moduko ekintzekin merkataritza askeko itun mota horien aurkako jarrera azalarazi nahi dela. Bere esanetan, itun horiek "multinazionalei besterik ez diete onura egiten, herrien interesen kontra".
Horrenbestez, "TTIP/CETA EZ" kolektiboarentzat "aipatu itunek beharrezkoak diren berme juridikoak aitortzen dizkiete kapital finantzarioari eta multinazionalei ekonomia, ingurumena, legeak eta pertsonen eskubideak euren onuran erabiltzeko".
Albiste gehiago gizartea
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).
Gallartako ostalaritza-lokal bateko jabeak eta zerbitzaria atxilotu dituzte, droga-trafikoagatik
Lokalaren eta atxilotuen etxebizitzetako erregistroetan, ia 200 gramo kokaina, MDMA dosiak, haxix-bolak eta tabletak, droga pisatzeko eta dosifikatzeko beharrezko tresnak, gama altuko bi ibilgailu eta 411 000 euro atzeman ditu Guardia Zibilak.
Aretxabaletako osasun etxe berriak datorren astelehenean irekiko ditu ateak
Eusko Jaurlaritzak 5 milioi euro inguruko inbertsioa egin du 21 kontsulta eta lau solairu izango dituen zentro berria eraikitzeko. Berritasun gisa, lau solairuetako bat gizarte zerbitzuetara eskainiko da.
Euskadin bizi diren 16 eta 85 urte bitarteko emakumeen ia erdiak indarkeria matxista motaren bat jasan du noizbait
Indarkeria matxistari zifrak jarri dizkio Eusko Jaurlaritzak egindako inkesta batek, eta ondorio nagusia argia da: indarkeria matxista presente dago EAEn bizi diren emakumeen bizitzetan eta egunerokoan, bikote-, familia-, lan- edo hezkuntza eremuan, ez ezik, ingurune birtualean ere.
Biktimen % 18,4k baino ez du jaso laguntza medikoa edo psikologikoa
Bikotearen barruan eta/edo kanpoan indarkeria jasan dutela adierazi duten emakumeen % 13,9k salatu du noizbait indarkeria hori, eta emakumeen % 16,6k adierazi du botikak, alkohola edo drogak hartu dituela bizitako indarkeriazko gertakariei aurre egiteko.
Bermeoko Madalen Egunetako teilak Palestinaren aldeko elkartasun mezua izango du
Horrekin batera, udalak dei egin die herritarrei Palestinaren aldeko elkartasun sinboloak erabil ditzaten (zapiak, banderak…), “mugak gainditzeko eta konpromiso kolektibo hori ikusarazteko”.