EBk eta Kanadak sinadura jarri diote CETA merkataritza itunari
Europar Batasunak eta Kanadak igande honetan sinatu dute CETA merkataritza ituna, Bruselan, Valoniak jarritako blokeoa gaindituta. Babes gehigarriak eskatuta altxatu du betoa Belgikako eskualdeak.
Jean-Claude Juncker Europako Batzordeko presidenteak azpimarratu duenez, "Europar Batasunak inoiz negoziatutako akordiorik aurrerakoiena da, onena". Justin Trudeau Kanadako lehen ministroak, berriz, CETAk "estandar berria" ezartzen duela adierazi du, eta hurrengo itunek CETA abiapuntutzat hartzea espero duela gaineratu du.
Goi-bilera 12:30etan izan da, aurreikusitako baino bi ordu beranduago, Kanadako lehen ministro Justin Trudeauren hegazkina atzeratu delako.
Europako Kontseiluaren presidente Donald Tuskek eta Trudeauk merkataritza itunaren sinatzeko goi-bilera atzeratzea adostu zuten, ostegunetik igandera. Europako Batzordeak Valoniarekin negozioatutako kontzesioen ostean, Belgikak oniritzia eman zion ostiralean.
Jean-Claude Juncker, Batzordeko presidentea, CETA sinatzeko goi-bileran egon da.
Valoniak lortutako argibideen dokumentuak ez du EBren eta Kanadaren arteko hitzarmenaren testua aldatuko. Belgikako eskualdea konbentzitzeko gakoen artean dago Europako Justizia Auzitegira jotzeko aukera arbitraje-epaimahaiaren erabaki bat EBko legediaren aurka badoa. Arbitraje-epaimahaiek enpresen eta estatuen arteko auzien inguruan ebatziko dute.
Belgikak aktibatu ahal izango duen babes klausula bat ere aurreikusi da, nekazaritza-merkatuetako desoreken aurrean, eta CETAk transgenikoen salmentan, laborantzan eta etiketatzean eraginik izango ez duenaren garantiak.
Protestak sinatzearen aurka
Hamasei pertsona atxilotu dituzte Bruselan, goi-bileraren segurtasun perimetroa igarotzeagatik eta Europako Kontseiluaren egoitzaren kontra margo gorria botatzeagatik.
Bruselako Poliziaren bozeramaile baten arabera, ekintzaile talde bate "segurtasun eremuan sartu da" eta instalazioen zati bat "hondatu" du.
250 bat pertsona elkartu dira CETAren kontra. EBren eta Estatu Batuen arteko hitzarmenaren 'Troiako zaldia' dela uste dute.
CETAren aurkako protesta Bruselan. Argazkia: EFE.
Valoniako Parlamentuaren baiezkoa
Azkenean, Valoniako Parlamentuak CETA akordioa sinatzearen alde bozkatu du, erantsitako adierazpenetan behar adina berme lortu ostean.
3,5 milioi biztanleko lurraldea da Valonia, baina bertako Parlamentuak zalantzan jarri du CETA akordioaren sinadura. Azken orduan, ordea, bertako Parlamentuak baiezkoa eman dio akordioari, aldeko 58 botorekin eta ezezko 5 botorekin.
"Tratatu hobea daukagu. Ez da perfektua, baina hobea da. Zuzendutako eta hobetutako CETA akordio bat da'', defendatu Paul Magnette Valoniako presidenteak. Hala ere, azpimarratu du akordioak Kanadaren alde egiten duela ''hamar aldiz''. "Ez dugu inoiz onartuko arbitratze pribaturako mekanismoak jasotzen dituen akordiorik. Benetako jurisdikzio martxan jartzea baldintza da gure baiezkoa lortzeko’’, azaldu du. Horrez gain, gogoratu du Belgikak EBko Justizia Auzitegiaren iritzia eskatuko duela arbitraje auzitegiaren inguruan.
Hain zuzen ere, ostegunean onartu zuten Europar Batasuneko gainerako kideek Belgikako Gobernuak aurkeztutako proposamen hori, Valoniak CETAri baiezkoa eman ziezaion
a eman ziezaionZure interesekoa izan daiteke
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.
2.000 pertsonak baino gehiagok eman dute izena Osakidetzaren Bizi programan, suizidioa prebenitzeko
Osasun Sailak ekimen berriak jarri ditu martxan Euskadin suizidioaren aurrean, hala nola familiei eta irakasleei zuzendutako online prestakuntza bat, alerta-seinaleak garaiz detektatzeko. Suizidio-saiakera berrien jarraipen-protokoloak, berriz, 4.000 pertsona inguru artatu ditu jada.