Ehiza trofeoak lapurtzen zituen talde bat desegin dute Donostian
Ehiza trofeoak, hala nola, disekatutako animalien buruak eta larruak lapurtzen zituen talde kriminal bat desegin dute Donostian.
Fakokero operazioaren baitan 25, 26, 28 eta 56 urteko lau gizonezko atxilotu dituzte, laurak ere nazionalitate espainiarrekoak eta Donostiako bizilagunak. Guardia Zibilak etxebizitzetan indarra erabiliz lapurretak egitea, talde kriminaleko kide izatea eta armak legez kontra edukitzea leporatzen die.
Guardia Zibilak ekainean ikerketa abiatu zuen, lapurrek udalerriko etxebizitza batetik informatikako materiala eta ehiza trofeoak ostu zituztela jakin zenean. Lapurtutako objektuen artean daude, besteak beste, hartz eta otsoen buruak eta larruak, elefanteen eta fakokeroen letaginak, ehiza larriko animalien adarrak, karibu bat, orein kanadarra eta mendiko ahuntz bat. Orotara, 50.000 euroko balioa izan dezakete merkatuan.
Egindako ikerketa lanari esker, lapurretaren ustezko egileetako bat identifikatu zuten, aurrekariak zituen Donostiako bizilagun bat. Pertsona horri jarraipena egin ostean, talde kriminaleko beste hiru pertsona identifikatu zituzten. Guardia Zibilaren arabera, talde horrek etxebizitzetatik ehiza trofeoak lapurtzen zituen gero merkatu beltzean saltzeko.
Argazkia: Guardia Zibila
Aurrerago, merkatu beltzean ehiza trofeoak eskaintzen ari zirela egiaztatu zuten ikertzaileek, eta Errioxa lapurtutako objektuak izan zitezkeenaren susmoa izan zuten. Hori dela eta, susmagarrien gaineko zaintza areagotu zuten.
Jarraipen horri esker, Errioxako etxebizitza horretan lapurtutako hainbat objektu eta 2015ean Zarautzen lapurtutako suzko arma bat atzeman zituzten Donostiako bi garajetan.
Haroko Guardia Zibilaren aurrean deklaratu ostean, atxilotuak aginpide judizialen esku utzi zituzten.
Zure interesekoa izan daiteke
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.