Bi ustezko jihadista atxilotu dituzte Irunen eta Donostian
Bi gizonezko atxilotu dituzte asteazken honetan Gipuzkoan, Irunen eta Donostian hain zuzen ere, Estatu Islamikoarekin lotura dutelakoan.
Irunen atzemandakoa ustez Siriara joaten saiatu zen, Estatu Islamikoarekin bat egiteko. Terrorismoaren aurkako iturriek adierazi dutenez, atxilotua oso erradikalizatuta dago.
Antza, atxilotuak nazioarteko bidaiak egiten zituen kamioiarekin, batez ere Alemaniara. Gizonezkoa interneten erradikalizatu zen eta Siriako erradikalekin harremanak zituen. Gasteizen bizi zen arren, asko bidaiatzen zuen.
Atxiloketa hori 2015eko abenduaren 1ean Iruñean eta urriaren 26an Calahorran atxilotutako ustezko bi jihadisten ikerketa beraren barruan kokatu behar da.
Ikerketa horrekin lotuta, Guardia Zibilak atxilotuaren gaineko zaintza operazioa abiatu zuen, eta Internet bidez ISISen jarduera goraipatzen zuela eta propaganda jihadista zabaltzen zuela egiaztatu zuen. Iruñeko eta Calahorrako atxiloketak egin ostean, bere jarduera areagotzeaz gain, jarrera aldatu eta diskurtsoa indartu zuen, eta propaganda sare sozialetan eta eskuz esku banatzen hasi zen.
Halaber, atxilotuak ISISekin bat egiteko asmoa omen zuen, eta, horretarako, Turkiara bidaiatu zuen, handik Siriara joaten saiatzeko. Dena den, Poliziak Turkiatik kanporatu zuen.
Bestalde, Donostian, 24 urteko marokoar bat atxilotu dute. Hura topatzeko eta atxilotzeko agindua emana zegoen, Estatu Islamikoaren propaganda arloko kidea izatea egotzita.
Espainiako Barne Ministerioaren arabera, atxilotua Interneten aritzen zen batik bat, eta bazterketa sozialean zeuden pertsonak erakartzen saiatzen zen.
Madrilgo Aranjuez udalerrian egindako beste polizia operazio batean, Espainiako Poliziak ustezko beste jihadista bat atxilotu du gaur.
Zure interesekoa izan daiteke
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.