EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
Ikasleak. Argazkia: EITB
Eusko Jaurlaritzako Hezkuntza Sailak otsailaren 2tik 13ra izango du zabalik 2026-2027 ikasturterako aurrematrikula eskaerak aurkezteko epea, EAEko ikastetxe publiko eta itunduetan, Haur Hezkuntzan, Lehen Hezkuntzan eta Derrigorrezko Bigarren Hezkuntzan.
Hemen bildu ditugu matrikulaziorako jakin beharreko guztiak:
Noiz?
2026ko otsailaren 2tik 13ra
Non?
Online zein lehentsitako ikastetxean, aurrez aurre, idazkaritza ordutegian.
Ikastetxeen bilatzailea eskuragarri dago; eta hizkuntza ereduen gida, lurraldeka (Araba, Bizkaia, Gipuzkoa).
Hurbiltasunagatik zenbat puntu dagozkizun ez dakizu? Hemen kontsulta dezakezu baremoaren puntuazioa.
Zer egin behar dut?
Hau da aurrez aurre aurkeztu beharrekoa: eskabide orria, dokumentazioa, errenta datuak kontsultatzeko baimena.
Non kontsulta dezaket eskaeraren emaitza?
Online kontsulta daiteke, Ikasgunean.
OHIKO GALDERAK:
- Zenbat eskabide aurkez ditzaket? Bat. Bat baino gehiago aurkeztuz gero, ez da horietako bat bera ere kontuan hartuko.
- Horrek esan nahi al du ikastetxe bat bakarrik jar dezakedala? Ez. Zure eskabidean nahi beste eskaera egin ditzakezu: ikastetxea, hizkuntza-eredua... Eragin-eremuko ahal beste ikastetxetan egitea gomendatzen da, batez ere etxetik hurbilen daudenetan, hautatu gabeko ikastetxe bat esleitzea saihesteko.
- Berdin dio zein ordenatan egiten ditudan eskaerak? Ez. Lehentasunen arabera ordenatu behar dituzu eskaerak, esleipenean ordena horren arabera egokiena esleituko zaizulako.
- Ikastetxe berean jarraitzeko, eskaera aurkeztu behar al dut? Ez. Gaur egun bi urteko edo goiko maila batean matrikulatuta egonez gero eta ikastetxean eta hizkuntza-eredu berean jarraitu nahi izanez gero, bertan jarraitu ahal izatea bermatuta dago, eta, beraz, ez da inolako eskaerarik aurkeztu behar.
- Ikastetxe bateko urte bateko taldean egonez gero, bertan jarraitzeko eskaera aurkeztu behar da? Bai. Ikasleak gure hezkuntza-sisteman bi urteko edo hortik gorako mailan sartzen dira. Ondorioz, ikastetxe batean urte bateko taldean matrikula badu eta bertan bi urteko mailan egon nahi badu, onarpen prozesuan parte hartu behar du eta dagokion eskaera aurkeztu.
- Dokumentazio gehigarria epez kanpo aurkezterik dago? Ez. Epe barruan nahitaezko dokumentazio guztia aurkezten ez bada, eskabidea osatu gabe geratuko da, eta ez da kontuan hartuko plazak esleitzeko. Bestalde, esleipenean ez dira kontuan hartuko epe barruan egiaztatu gabeko baremoko puntuak.
- Joan den ikasturtean lehen aukeran eskatu ez nuen ikastetxe bat esleitu bazidaten, eta aurten berriro saiatu nahi badut, egin dezaket hurrengo ikasturterako eskaera? Eta nik nahi dudan ikastetxea berriro ez bazait tokatzen, gaur egun nagoen ikastetxeko plaza galduko dut? Eskaera egin dezakezu eta egokitzat jotzen dituzun aukeren kopurua gehitu (zenbat eta gehiago, hobe). Eskatutako aukera ez badizute ematen, ez da egungo ikastetxeko plaza galduko. Beste ikastetxean plaza ematen badizute bai, orduan ikasten ari den ikastetxeko plaza galtzen da.
Epeak
- 2026ko otsailaren 2tik 13ra eskabideak eta agiriak aurkezteko epea
- Eskatzaileen zerrenda argitaratzea: martxoaren 4an.
- Kontsultak egitea eta erreklamazioak aurkeztea: martxoaren 12ra arte
- Behin-behineko zerrendak argitaratzea: martxoaren 24an.
- Kontsultak egitea: apirilaren 13ra arte
- Behin-behineko zerrendei erreklamazioak egitea Ikastetxeko Eskola Kontseiluan: apirilaren 13ra arte
- Eskabidean atzera egitea: apirilaren 13ra arte
- Behin betiko zerrendak argitaratzea: apirilaren 21ean.
- Kontsultak egitea: maiatzaren 25ra arte
- Lurralde-ordezkariek esleitutako plazen zerrendak argitaratzea: apirilaren 24an
- Behin betiko zerrendei gora jotzeko errekurtsoak jartzea: maiatzaren 25era arte
- Itxarote-zerrendaren iraunaldia: irailaren 11ra arte
- Plazen erreserbaren iraunaldia: irailaren 11ra arte
- Onarpen-bermeen Lurralde-batzordeen iraunaldia: irailaren 11ra arte
Zure interesekoa izan daiteke
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gizon bat hil da Sopuertan, trafiko istripuz
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.