Hizkuntza-eskubideak bermatzeko 185 neurri aurkeztu dituzte
Hizkuntza Eskubideak Bermatzeko Protokoloak edo Donostiako Protokoloak 185 neurri proposatu ditu, hizkuntzak errespetatu eta hizkuntza-aniztasuna egoki kudeatzeko. Europan hizkuntza gutxituak errekuperatzeko lan egiten duten dozenaka agentek adostutako testua da.
Larunbat goizean aurkeztu dute ekimena Donostian, Kursaal Jauregian, eta ordezkari sozial, politiko eta instituzional ugarik parte hartu dute. Europako Kultura Hiriburutzaren baitan garatuta, Euskararen Gizarte Erakundeen Kontseiluak eta Donostia 2016 Fundazioak sustatu dute.
Musika- eta dantza-emanaldiak eskaini dituzte ekitaldian, eta hizkuntza-eskubideen alde jarduten duten zenbait agentek hartu dute parte: Aureli Argemi eta Maria do Pilar Garcia, besteak beste. Biek Hizkuntza Eskubideek Bartzelonako Adierazpen Unibertsalaren prozesuan lan egin zuten, orain dela 20 urte. Lan hori izan da Donostiako Protokoloaren aurretikoa.
Azken urteotan "gutxitutako hizkuntzen egoera aldatzeko eta hizkuntza-komunitateen artean berdintasuna eraikitzeko tresna egitea" helburu izan duen akordio-prozeduraren ondorioa da gaur aurkeztutako protokoloa. Dokumentua nazioarteko foro eta erakundeetara bidaliko dute, hizkuntza-aniztasunaren aldeko konpromisoa arautzeko tresna gisa erabiltzeko.
9 artikulu bildu dituzte Protokoloan
Donostiako Protokoloan 9 artikulu bildu dituzte, eta besteak beste, hizkuntza-eskubideak oinarrizkoak direla berretsi dute. Hori dela eta, horiek bermatzeak "lehentasuna izan behar duela" azpimarratu dute, "gizarte demokratikoagoa hezurmamitzeko".
Gainera, hiru xede nagusi dituztela adierazi dute aurkezpenean. Batetik, hizkuntza-aniztasunaren bermea eta hizkuntzen garapena ziurtatzea bakea eta elkarbizitza lortzeko beharrezko oinarriak direla aldarrikatu nahi dute. Bestetik, hizkuntza-berdintasuna eta gutxitutako hizkuntzak garatzeko tresna eraginkorra sortzea dute xede. Azkenik, hizkuntza-komunitateak prozesuan subjektu gisa aurkeztea lortu nahi dute, eta gizarteak berma dezala bidezko kudeaketa.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.