Milaka bisitari, Bilboko San Tomas Azokan
Bilboko San Tomas Azokak 286 postuetako ateak ireki ditu, asteazken honetan, eta harrera ona izaten ari da. Gainera, hainbat emakumezko kirolari omendu dituzte, eta Arriaga Plazan jostailu-bilketa egiten ari dira. 200.000 bisitari inguru izatea espero dute egun osoan zehar.
Ohi bezala, azoka Areatzan eta Plaza Barrian daude postuak jarrita. Bertan, baserritarrak euren produktuak saltzen dabiltza, hala nola barazkiak, fruituak, gazta, eztia, kontserbak, ogia, txakolina eta sagardoa.
Azokari hasiera emateko ekitaldi ofiziala goizean egin dute, BBK-k jarri duen stand solidarioan, eta aurten ohiko azoka-etxolen kopia txiki bat eman die erakundeak emakume kirolari ospetsu batzuei, alegia, Athleticeko emakumezko jokalariei, Joane Somarriba txirrindulariari, Gaztedi sokatira-taldeari, Rakel Mateo triatleta paraolinpiarrari eta Maider Unda borrokalariari.
Aitortza horren helburua da kirolean berdintasuna sustatzeko egiten duten ahaleginari gorazarre egitea. Guztientzat jostailuak San Tomas Azokak ez ditu ahaztuko Gabonak ondo ospatzeko eta Olentzeroren opariez gozatzeko zailtasunak dituzten umeak. Horren ildotik, BBK Fundazioak, Koopera gizarte-berrikuntzako kooperatibarekin lankidetzan, jostailuak batzeko elkartasun-gune bat jarri du Arriaga Antzokiko zabaldegian.
San Tomas Azokak ez ditu ahaztu Gabonak ondo ospatzeko eta Olentzeroren opariez gozatzeko zailtasunak dituzten umeak. Horren ildotik, BBK Fundazioak, Koopera gizarte-berrikuntzako kooperatibarekin lankidetzan, jostailuak batzeko elkartasun-gune bat jarriko du Arriaga Antzokiko zabaldegian.
Garraio-zerbitzua
Renfek Aldiriko Zerbitzua indartuko du C-1, C-2 eta C-3 lineetan, Bilbon San Tomas eguneko azoka dela-eta bidaiari kopuru handia izatea espero baitute. Hala, Renfek ohar baten bidez adierazi duenez, C-1 (Bilbo-Santurtzi), C-2 (Bilbo-Muskiz) eta C-3 (Bilbo-Urduña) lineetan 6.000 eserleku gehiago eskainiko ditu bidaiari gehien espero diren orduetan, 09:30 eta 11:30 bitartean.
Bilboko Metroak zerbitzua indartzea erabaki du, azken urteetan legez. Hala, garraiobide zerbitzutik jakinarazi dutenez, joan-etorrien maiztasuna ia bikoiztu egingo dute. Halere, ordutegia ez da luzatuko, beraz, azken trena 23:06an abiatuko da Etxebarritik (1. linea); 22:38an Kabiezesetik (2. linea); 22:37an Sopelatik (1. linea) eta 22:57an Basauritik (2. linea).
Bilbobus: Urtero bezala, Areatza ixteak aldaketa batzuk eragingo ditu Bilbobuseko hainbat lineatan (03, 11, 22, 28, 30, 40, 56, 58, 62, 71, 72, 75, 77, 85, A1, A2, A5, A7 lineak). Bilbobusek lanegun bateko ordutegi eta maiztasun berberak eskainiko ditu, Gautxori zerbitzua jarrita, 02:00ak arte.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.