GuraSOS: 'Gipuzkoako erraustegia ez da egingo'
GuraSOSek esan du Gipuzkoako erraustegia ez dela egingo “herritarren konfiantza faltagatik eta teknikoki, juridikoki eta ekonomikoki bideragarria ez delako”.
Joseba Belaustegi eta Joxe Maria Izeta GuraSOSeko bozeramaileak eta presidenteak, hurrenez hurren, agerraldia egin dute plataformak bildutako dokumentazioaren xehetasunak emateko eta erraustegiaren kontrako prozesu judizialaren egoera azaltzeko.
EAEko Auzitegi Nagusiak oraindik bi ebazpen ditu emateko, batetik, ingurumen baimenari buruzkoa, eta bestetik, erraustegiari buruzko prozesu parte-hartzaileari lotutakoa. Ildo berean, gaur bertan Auzitegi Nagusia administrazioarekiko auzien Donostiako 3. epaitegiari zuzendu zaio, erraustegia eraikitzeko esleipena behin-behinean baliogabetzeko erabakia hartzea bere eskumena dela jakinarazteko.
GuraSOSek gogora ekarri du joan den abenduaren 27an ez zela esleipenik izan, Aldundiak hala adierazi bazuen ere. Elkartearen esanetan, egun horretan “lizitazioaren aurretiazko tramite bat” egin zen.
Belaustegik azaldu duenez, urtarrilaren 1ean arau berri bat sartu zelako indarrean jokatu zuten horrela. Arau horrek dio epe luzerako zorpetzea izango duten kontsortzioek, kasu honetan Gipuzkoako Hondakinen Kontsortzioak (GHK), Diputazioaren baimena behar dutela.
Hortaz, Belaustegik iragarri du bihar bertan eskatuko diotela Gipuzkoako Aldundiari “lizitazioaren tramitazioa berehala gelditzeko” galdegin diezaiola GHKri, “horretarako baimenik ez duelako”.
“Tramite bat gehiago izango da, baina Aurrekontu Zuzendaritzaren fiskalizazio txostenak aurkeztu beharko dituzte, baita aurrekontuen orekari eta finantzazioaren jasangarritasunari buruzko datuak ere”, azaldu du.
Bestalde, kontratu hori zuzena ez dela esan du, “kontratatzailea arriskuak ordaintzetik libratzen duelako eta hori diru-kutxa publikorako eskandalagarri kaltegarria delako, zorrari Diputazioak egin beharko diolako aurre, gipuzkoarron gastuak murriztuta”.
Horrez gain, Belautegik azpimarratu du oraindik ez dutela argitu erraustegia nola finantzatuko duten. “Proiektuak ez ditu gastu publikoari dagokionez jasangarritasun eta eraginkortasun printzipioak betetzen diru publikoaren bidez gauzatu ahal izateko”, erantsi du.
Albiste gehiago gizartea
Arantzazurako erromesaldia egin dute gaur, Arantzazuko Amaren eguna dela eta
Egutegi orokorrean jai ez den arren, Oñatin eta Arantzazuko santutegiarn inguruetan festa giroa izango da gaur nagusi. Dozenaka lagun erromesaldian atera dira harako bidean.
Gizon portugaldar bat atxilotu dute Bilbon, bi senide adingaberi sexu-erasoa egitea leporatuta
Atxilotzeko eta entregatzeko euroagindua ezarri zuten 39 urteko gizonaren aurka, 2017az geroztik justiziatik ihes eginda zegoen eta. Epaileak aske utzi du, behin-behinean, kautelazko neurriekin, Luxenburgora estraditatzeko prozedura bideratu bitartean.
Pertsona bat hil da eta bi zauritu dira, horietako bat larri, AP-15 autobidean, auto-istripuz, Erriberri parean
Kamioi batek kontrako erreian sartu eta biktima zihoan autoa jo du, Foruzaingoak jakinarazi duenez.
Albistegien denboraldi berria hasi du Euskal Telebistak
Irudi berria, dekoratu berriak eta aurpegi berriak izango dituzte "Egun On Euskadi", "Gaur Egun" eta "Teleberri" albistegiek denboraldi berri honetan. Egiazkotasuna, zorroztasuna eta hurbiltasuna izango dituzte oinarri.
Eusko Jaurlaritzak zortzigarren urtez ospatu du Euskal Diasporaren eguna
Markina-Xemeingo ekitaldiak omenaldia egin dio zesta-puntari; hain zuzen ere, Euskal Herria mundu osoko pilotalekuetara eraman duten pilotariei.
Erraldoien dantza ikusgarriek Iruñeko katedrala hartu dute, burguen batasuna lortu zuen ituna ospatzeko
Gaur 602 urte izenpetu zuen Karlos III.a Erregeak. San Zernin, Nabarreria eta San Nikolas izeneko burguak batzeko ituna, Iruñea hiria sortuz. Ospakizun ugari antolatu dituzte, tartean, gaur egin den erraldoien ikuskizuna katedralean.
EAEko Justizia Auzitegi Nagusiak berretsi egin du Gipuzkoan 6 urteko haur bati eraso egin zion gizonari ezarritako 20 urteko kartzela-zigorra
2025 hasieran, 20 urte baino gehiagoko kartzela-zigorra ezarri zion Gipuzkoako Auzitegiak gizonari, eta ia bi urtekoa adingabearen amari, erasoak baimentzeagatik. Errekurritu egin zuten epaia baina EAEko auzitegi gorenak berretsi egin dizkie zigorrak.
Nola egokitu hiriak beroaldietarako eta muturreko tenperaturetarako?
Udak gero eta beroagoak eta luzeagoak dira Euskal Herrian EITB Datak argitaratutako datuen arabera. Bilbon eta antzerako hirietan muturreko tenperaturak izan dituzte. Mundu osoan hiriak beroaldiak hobeto igarotzeko egokitzen ari dira eta natura hirietan sartzea da urbanisten gomendio nagusia.
24 urteko gizon bat espetxeratu dute, Usurbilen emakume bati lapurreta egin eta ondoren hura hiltzen saiatzeagatik
Ertzaintzak jakinarazi duenez, joan den larunbatean izan ziren lapurreta eta hilketa saiakera. Igandean atxilotu zuten ustezko erasotzailea, Usurbilgo borda batean.
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.