Garoñako zentral nuklearra berriro zabaltzearen alde agertu da CSN
Segurtasun Nuklearreko Kontseiluak (CSN, gaztelerazko sigletan) Garoñako zentral nuklearra berriro irekitzearen aldeko ebazpena onartu du, betiere Garoñaren jabe den Nuclenorrek (erdi bana dute Ibedrolak eta Endesak) beharrezko segurtasun neurriak betetzen baditu.
Gaurko bozketan Segurtasun Nuklearreko Kontseilua osatzen duten bost kontseilarietatik lauk Garoña berriro zabaltzearen alde bozkatu dute eta bosgarrenak, berriz, kontra. Organo hori osatzen duten bost kide horietatik hiru PPk proposatu ditu eta gainerako biak, ostera, PSOEk. Cristina Narbona izan da kontra bozkatu duen kontseilaria, hain justu, 2004tik 2008ra Espainiako Ingurumen ministroa izan zena.
CSNk azken bi urteotan egindako 167 txosten teknikoetan oinarrituta hartu du erabakia.
Segurtasun Nuklearreko Kontseiluaren aldeko txostenaren ondoren, orain Espainiako Gobernuareni dagokio Nuclenorri Garoña berriro irekitzeko baimena eman ala ez erabakitzea. Dena den, Espainiako Gobernuak Garoñaren irekiera onetsita ere, Nuclenorri dagokio azken hitza; izan ere, Gobernuaren balizko baimen hori egikaritzen duen erabaki beharko du. Garoña 2012tik geldirik dago eta irekiz gero, 2031. urtera arteko baimena izango luke.
Gaur Segurtasun Nuklearreko Kontseiluak hartutakoa Espainian aurrekaririk ez duen erabakia da: alde batetik, ireki eta 40 urte igarota ere lanean jarraitzeko baimena ematen dio; bestetik, beste 14 urtez aritzeko baimena eman dio, nahiz eta zentral nuklearrei lanean jarraitzeko egiten zaien azterketa hamar urtean behin izan.
Espainiako Segurtasun Nuklearreko Kontseiluak Garoña berriro irekitzea onetsi badu ere, Diputatuen Kongresuaren gehiengoa zentral nuklearra martxan jartzearen kontra azaldu da harik eta zentral nuklearrek 40 urtetik aurrera irekita mantendu behar diren ala ez Kongresuan eztabaidatu arte.
Garoña 1970ean ireki zuten eta itxi gabe dagoen Espainiako zentral nuklearrik zaharrena da. General Electric AEBko konpainiak eraiki zuen, eta Japoniako Fukushima zentral nuklearraren antzekoa da. Gaur egun, Garoña geldialdi seguru egoeran dago.
Azken erabakia Espainiako Gobernuak hartuko du
Espainiako Gobernuak zentral nuklearra berriro irekitzeko baimena ematen badu, Industria, Energia eta Turismo Ministroak erabakiko du zenbat urtez jarraituko duen lanean.
Ildo horretatik, Segurtasun Nuklearreko Kontseiluaren presidenteak azpimarratu du Garoñak segurtasun neurriak betetzen dituela eta 14 urtez aritzeko ahalmena duela, baina martxan jartzeko erabakia Espainiako Gobernuak hartu behar duela berretsi du.
“Guk ez dugu zentral nuklearrak irekitzeko edo ixteko baimenik ematen, segurtasun neurriak betetzen dituzten aztertzen dugu soilik”, esan du CSNko presidenteak.
Nuclenor zentralaren jabeak baldintzak ezagutu nahi ditu erabakia hartu baino lehen
Garoñaren jabe den Nuclenorrek zentral nuklearra berriro irekitzeko CSNk ezarritako "baldintzak" zeintzuk diren jakin nahi du "behin betiko jokalekuari" buruzko erabakia hartzeko.
bakia hartzeko.Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.