Sestaoko sutean kaltetutako familiei ostatu eman diete jada
Igandean, Sestaoko (Bizkaia) sutearen eraikineko azken pisuan, sua hasi zen lekuan, bizi zen pertsona Zamudioko ospitale psikiatrikora eraman dute. Bertan, tratamendu medikoa jarraitzen ari zen.
Polizien arabera, bizilagun hori, urtarrilean Bilboko Metroaren Deustoko geltokian, Alaren aldeko oihuak eginda izua zabaldu zuen gizona da.
Josu Bergara alkateak astelehen honetan egindako prentsaurreko batean aitortu duenez, identifikatutako pertsona "arazo psikiatrikoren bat" zuen.
Azpimarratu duenez, azken pisuan hasi zen sua, eta bertan bizi zen gizona "Zamudion egon behar zuen". Lehendabizi ertzain-etxera eraman zuten eta gero, tratamendu medikua jasotzen ari zen ospitalera. "Identifikazio bat besterik ez zen izan, ez dago atxiloketarik", esan du.
Bestalde, suhiltzaileen txostena izan arte zuhurtasuna eskatu du, eta adierazi duenez, hipotesi guztiak irekita daude eta kaltetutako etxebizitzak 41era igo dira.
"Goiko aldeko hondakinak kenduko ditugu eta eraikinean lan egin. Perimetroa babestu eta luizia izateko arriskua duten zatiak kenduko ditugu", esan du Bergarak.
Ostatu ematea eta tresnak jasotzea
Sutea izan zuen eraikineko hainbat bizilagunek, suhiltzaileen laguntzarekin, etxera sartu dira oinarrizko tresnak jasotzera; eta hurrengo egunotan bizilagunen talde gehiago sartzea espero da.
Suteak 38 familia kaltetu ditu, guztira 86 pertsona. Dagoeneko guztiei eman diete ostatu.
Udaleko arkitektoak eraikina bisitatu du gaur goizean, eta atzeko fatxadaren egoera ezegonkorra dela ziurtatu du eta erortzeko arriskua dagoela.
Zure interesekoa izan daiteke
ELA, LAB eta Steilas kalera aterako dira Bilbon euskararen eskakizunaren alde
Mobilizatzea erabaki dute "euskaraz lan egiteko eta bizitzeko eskubidearen aurkako ofentsiba judizial, politiko eta sindikalaren aurrean".
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.