Garoña ixteko aldarria ozen entzun da Gasteizko kaleetan
Milaka herritar bildu dira gaur arratsaldean Gasteizen, Espainiako Gobernuari Garoñako zentral nuklearra behin betiko itxi eta instalazioak desegin ditzatela eskatzeko. Herritarrekin batera alderdi politiko, sindikatu eta hainbat gizarte kolektibotako ordezkariak manifestatu dira Gasteizko kaleetatik zehar.
Martxa Araba Garoñarik gabe plataformak deituta egon da, eta bere deialdiari 250 kolektibo inguru atxiki zaizkio. Hartara, manifestu bat sinatu dute, eta bertan eskatzen dutenez, alderdi politikoek Mariano Rajoyk zuzentzen duen Gobernuarekin adostuko luketen balizko edozein akordio, Garoña berriro ez irekitzera bideratutako ministro-agindu bat iragartzearen mende egon beharko litzateke.
Udaltzaingoaren lehendabiziko aurreikuspenen arabera eta antolatzaileen datuen faltan, 3.000 lagun bildu dira manifestazioaren hasieran.
Manifestazioaren buruan "Ez ireki, itxi betiko" leloa zeraman pankarta irakur zitekeen, eta manifestariek instalazio nuklearraren behin betiko desagertzearen aldeko mezuak oihukatu dituzte ibilbidean zehar.
Arabako erakundeetan ordezkaritza duten alderdi guztiak izan dira elkarretaratzean, Euskadiko PP izan ezik. Horiek Garoña zabaltzearen aurka daudela adierazi dute zenbaitetan, baina ez dute protestan parte hartu.
Gasteiztik 40 kilometrora dago Garoña. Espainiako zentral nuklear zaharrena da; arrazoi ekonomikoengatik eta Nuclenorrek erabakita, itxita dago 2012ko abenduaz geroztik. 2014ean, berriz, iritziz aldatu zuen Nuclenorrek, eta 17 urtez ustiakuntza-baimenaren berritzea eskatu zuen.
Segurtasun Nuklearreko Batzordeak (CSN) baimen horren aldeko txostena zabaldu zuen joan den otsailaren 8an, eskatutako segurtasun-inbertsioak eginez gero. Orain, Gobernuaren esku dago Garoña zabaldu ala ez erabakitzea. Segurtasun Nuklearreko eta Erradiologia-Babeserako Teknikarien Elkartearen iritziz, Nuclenorrek ez ditu egin segurtasun mailak hobetzeko aurreikusita zituzten berriztatzeak.
PPrekin itunik ez adosteko eskatu die Araba Garoñarik Gabe ekimenak alderdi politikoei, Garoña ixteko konpromisoa lotzen ez badute. Gainera, zentral nuklearraren behin betiko itxiera lortzeko lege-proposamena Senatura eramateko eskatu die.
Izan ere, joan den martxoaren 7an EH Bilduren legez besteko proposamena onartu zuten Kongresuko talde parlamentario guztiek, PP salbu, Garoñaren itxiera eta zonaldea berriro industrializatzeko plan baten abiatzea eskatzeko.
Zure interesekoa izan daiteke
Iran eta sarreren prezioa polemikaren erdigunean, Munduko Futbol Txapelketa hasteko hilabete falta denean
Irango selekzioaren parte hartzea baieztatu gabe dago oraindik. Bestalde, sarreren "prezio aldakorrak" salatu dituzte, NBA eta NFL ligetan ohikoa den bezala.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.