Rajoy: 'Garoñarako segurtasun neurri handienak eskatuko ditugu'
Mariano Rajoy Espainiako Gobernuko presidenteak esan du bere exekutiboak "segurtasun nuklearrerako neurri handienak" eskatuko dituela, Garoñako zentrala berriro irekitzea erabakitzen bada. Horren hitzetan, "alde guztien iritziak entzungo ditu Gobernuak, aldekoenak eta kontrakoenak, zentral nuklearraren irekierari buruzko erabakia hartu aurretik".
Aitor Esteban jeltzaleak egindako galdera bati erantzunez egin ditu adierazpenok gaur Rajoyk, Kongresuan, Gobernua kontrolatzeko kontrol saioan. Garoñako zentrala "zaharkituta" dagoela eta "arriskutsua" dela esan du Estebanek, eta behin betiko ixteko eskatu dio Espainiako Gobernuari.
Segurtasun Nuklearreko Kontseiluak Garoñako zentral nuklearra berriro irekitzearen aldeko ebazpena onartu eta astebetera eraman du gaia EAJko diputatuak Kongresura.
Rajoyk gogoratu du CSNren txostenak hainbat baldintza jasotzen dituela, zentrala martxan jartzeko: hainbat inbertsio egitea eta segurtasun-neurri gehiago ezartzea, besteak beste.
Halaber, Espainiako presidenteak esan du Garoñaren kontrako iritziak badaudela, baina aldekoak ere badirela esan du; Gaztela eta Leongo Juntarena, kasurako. "Zentzuzkoena", ezer erabaki aurretik, dokumentazio eta argudio guztiak ondo aztertzea dela gaineratu du.
'Ustekabekoa'
Segurtasun Nuklearreko Kontseiluaren txostena "ustekabekoa" izan zela esan du Estebanek, erakunde horrek "aurretik Garoñari buruz esandakoak kontuan hartuta".
Besteak beste, buruzagi jeltzaleaen iritzian, deigarria da zentralaren jarduera hamar urte baino gehiago luzatu nahi izatea, kontseilu horrek berak ezarritako arau bat urratu arren.
CSNren azken erabaki honen atzean "zer dagoen" argitzeko eskatu du Estebanek.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.