Bilboko Metroak bidaia bakarreko txartelaren prezioa igoko du
Larunbat honetan, apirilak 8, Bilboko Metroak bidaia bakarreko garraio-txartel berria kaleratuko du. Alabaina, titulu horrekin batera tarifa berriak sartuko dira indarrean, eta, eitb.eusek jakin ahal izan duenez, metroan egindako ibilbidearen arabera prezioa 10 eta 15 zentimo bitartean igoko da.
Zehazki, hauek izango dira garraio-txartel berria erabilita bidaia bakoitzeko tarifa berriak: Gune 1: 1,60 euro (lehen, 1,50 euro); 2 Gune: 1,80 euro (lehen, 1,70 euro); eta, 3 Gune: 1,90 euro (lehen, 1,75 euro).
Bidaia bakarreko txartel berriaren gako nagusiak
- Gehienez hiru egun igaroko dira bidaia bakarreko txartela erosten denetik bere balioa iraungi arte. Hala, epe horretan norbaitek ez badu txartela erabiltzen, diru hori galduko luke (Txartel horretan bertan noiz iraungiko den ikusteko aukera egongo da).
- Txartela galtzekotan, pertsona horri ez zaio beste bat emango. Dena dela, bezeroari leporatu ezin dakiokeen arrazoiagatik hondatzekotan, balio bereko beste txartel bat emango zaio edozein geltokitan edota bezeroaren arretarako bulegoetan.
- Ezin izango da aukeratutako gunea aldatu.
- Familia ugarien kasuan, bidaia bakarreko txartelak Bilboko Metroaren bezeroaren arretarako bulegoetan erosi beharko dituzte bidaia bakarreko txartelak (pertsona bakoitzak bi txartel erosi ahal izango ditu gehienez). Hala, barik txartela eramatea ezinbestekoa izango da.
Zure interesekoa izan daiteke
AEK-k Korrikatik kanpo utzi du CCOO sindikatua, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta "Argia" aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du
29. edizioak Trintxerpe eta Donostia zeharkatuko ditu, "Erroldarik gabe ez naiz existitzen" lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.