Atxilotutako jihadistetako bik Bruselako aireportuan egon izana onartu dute
Eloy Velasco Auzitegi Nazionaleko epaileak kartzelara bidali ditu aurreko asteartean Bartzelonan atxilotuetako bi ustezko jihadista. Biek onartu dute Bruselako aireportuan egon zirela 2016ko martxoan, hain zuzen, atentatua izan zen egunean, eta bertan erasoen egilearen lehengusuarekin bildu zirela.
Bi gizonak, Mohamed Lamsalak eta Youssef Ben Hammou, asteartean atxilotuetako bederatzi ustezko jihadisten artean daude. Aitortu dute aireportuan zeudela bonbek eztanda egin zuten unean, baina, adierazi dutenez, auto bat erosteko joan ziren Bruselara eta ez zituzten ezagutzen atentatuaren egileak, Auzitegi Nazionaletik zabaldu dutenaren arabera.
Espainiak eta Belgikak egindako ikerketetan biak martxoaren 16an Belgikako hiriburura heldu zirela ondorioztatu dute, eta 23an alde egin zutela, hain justu, Bruselako aireportuko eta metroko atentatuen (32 pertsona hil ziren erasootan) biharamunean.
Atentatuetan parte hartu izana ukatu badute ere, biek onartu dute bost egunetan aireportuko atentatua egin zutenen lehengusu batekin egon zirela, haien laguna delako, azaldu dute.
Ikertzaileak, orain, argitzen saiatzen ari dira atentatua finantzatzeko edo atentatuaren ondorengo logistikan laguntzeko joan ote ziren Bruselara.
Bi atxilotuak, gainera, Parisko Bataclan aretoan 2015eko azaroaren 13an izandako atentatuarekin lotu dituzte.
n lotu dituzte.Zure interesekoa izan daiteke
Kamioi bat irauli da AP-8 autobidean, Iurreta parean, eta itxi egin behar izan dute
Irunerako noranzkoan gertatu da istripua. Autobideko zirkulazioa etenarazi dute, larrialdi-zerbitzuak ibilgailua kentzeko lanean ari diren bitartean.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrei gehien kezkatzen dien beste beldur batzuk dira gertuko senide bat galtzea, osasuna galtzea, itsu geratzea edo minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.
76 urteko gizon bat eta 38 urteko emakume bat atxilotu dituzte, Bilbon, emakume bati sexu-erasoa egiteagatik
Biktima atxilotuekin batera Santutxuko Karmelo kaleko etxebizitza batera igo omen zen.
Dozenaka lagunek justizia eskatu dute Parisen hildako gazte tolosarrarentzat
"Justizia Dalianentzat" lelopean, Parisen hil zuten Tolosako bizilagunaren senide eta lagunek elkarretaratzea egin dute gaur arratsaldean. Martxoaren hasieran aurkitu zuten haren gorpua, Frantziako hiriburuko etxebizitza batean.
Bi gizon inputatu dituzte Artxandako hilketagatik, eta beste hiru krimen hura ezkutatzeagatik
2023ko abuztuan, gizonezko baten gorpua aurkitu zuten, zatituta eta erreta, maleta baten barruan, Artxandan dagoen abandonatutako eraikin batean.
Goiz korapilatsua Txorierriko errepideetan, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.