Jaurlaritzak barkamena eskatu du Haurreskolak Partzuergoko ilarengatik
Cristina Uriarte Eusko Jaurlaritzako Hezkuntza sailburuak barkamena eskatu du Haurreskolak Partzuergoan izan ziren ilara luzeengatik, baina erantsi du "aurreikusi ezin zitekeen" egoera baten aurrean hartutako "salbuespeneko" neurri baten ondorio izan zela guztiak.
Ekainaren 12a eta 14a bitartean, ehunka irakasle Haurreskolak Partzuergoaren egoitzaren aurrean bildu ziren, ordezkapenetarako zerrendak ezustean eta bi egunetarako soilik ireki zirelako. Hautagai askok gaua ilaran igaro zuten, izena eman ahala ematen baitzituzten plazak.
EH Bilduk eskatuta, Uriartek azalpenak eman behar izan ditu gaur Legebiltzarrean. Rebeka Ubera koalizio soberanistako legebiltzarkideak esan du "ikuskizun penagarria" izan zela han gertatutakoa eta salatu du zerrendak bi egunerako ireki zirela, "sei urtez itxita egon direnean".
Uberaren arabera, honek guztiak partzuergoko arduradunen "planifikazio falta" erakusten du eta Eusko Jaurlaritzak Hezkuntzan egindako "murrizketen ondorio" da.
"Ez zegoen denborarik"
Uriartek barkamena eskatu du prozedura horrek eragin zituen eragozpenengatik, baina gertatutakoa justifikatu du.
Hezkuntza sailburuak azaldu duenez, Haurreskolak Partzuergoko lan-poltsan 500 irakasletik gora daude, "nahikoa eta sobera haur-eskoletako ordezkapenak egiteko".
Alabaina, hautagai horietatik guztietatik "20 soilik agertu ziren prest lanerako eta hori ez da batere ohikoa". Horregatik eta "inoiz baino ordezkapen gehiago" behar izanagatik, "aurreikus ezin zitekeen ezohiko egoera eragin zen".
Gauzak horrela, sailburuaren arabera, "ez zegoen denborarik gauzak beste modu batera egiteko eta zerrendak premiaz ireki ziren, berehalako erantzun bat emateko".
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.