2.000 bizilagun baino gehiago ebakuatu dituzte Huelvan, sute baten eraginez
Larunbat gauean Huelvako Moguer herrian piztutako sute handiaren eraginez 2.000 pertsona baino gehiago atera behar izan dituzte etxetik. Ez da zauriturik egon, baina 21:30ean piztutako sute horrek Doñanako Parke Naturala harrapatu du.
Egun osoan zehar izandako tenperatura altuek eta 60 kilometro baino gehiagoko haize boladek asko zaildu dituzte sutea itzaltzeko lanak, Jose Fiscal Lurralde Antolamendu eta Ingurumen aholkulariak ziurtatu duenez. Ondorioz, suak kontrol gabe jarraitzen du oraindik.
Fiscalek nabarmendu duenez, goizaldean eta goizeko lehen orduetan hektarea ugari kiskali dira, eta sua itzaltzeko lanetan diharduten langileek sua kontrolatu ahal izateko zailtasun asko izan dituzte. Gainera, Mazagon herriko paradorea, hotel bat, kanpina (1.500 pertsonarekin) eta inguruko etxe batzuk hustu behar izan dituzte, suaren mehatxua dela eta. Arrazoi horregatik, 750 pertsona inguru beste etxe batzuetara eraman behar izan dituzte.
Une honetan 550 suhiltzaile ari dira lanean, eta 21 hegazkin ere sua itzaltzen laguntzeko lekura hurbildu dira.
Ez da baztertzen nahita piztutako sutea izatea
Susana Diaz Andaluziako Gobernuko presidenteak ez du baztertu norbaitek sutea nahita piztu izana, baina gertatutakoa argitzeko ikerketa egin behar dela gaineratu du. Hala, oraindik ezin duela ezer baieztatu nabarmendu du.
“Sutearen nondik norakoak argitzeko ikerketa burutuko dugu, Doñanako Parke Naturala harrapatu baitu eta familia askori eragin baitie”, azpimarratu du Andaluziako Gobernuko presidenteak.
Zure interesekoa izan daiteke
Albiste izango da: Sevilla, Kopako finalerako prest, su-etena Libanon eta Tubos Reunidos
Orain-ek gaur landuko dituen albiste nagusien laburpena.
Marea txuri-urdina Sevillara!
Realeko zaleak Andaluziara bidean dira Atletico Madrilen aurkako Errege Kopako finala bertatik bertara jarraitzeko. 26.000 realzale baino gehiago Cartuja estadioan bertan izango dira eta beste milaka pertsonak sarrerarik gabe bidaiatuko dute. Helburua bat eta bakarra: Kopa Donostiara ekartzea.
Ertzaintzak 255 marihuana-landare aurkitu ditu Lemoan, etxebizitza batean sutea piztu ostean
Etxean bizi zen gizonak onartu du landareak bereak zirela, eta horregatik atxilotu dute osasun publikoaren aurkako delitu bat egotzita.
Askotariko proposamenak San Prudentzio eta Estibalizko Andra Mariaren jaietarako
Tradizioa, kultura eta musika uztartzen dituzten proposamenak prestatu dituzte adin guztietako jendearentzako. Apirilaren 24an, ostirala, hasiko dira jaiak, Probintzia Plazan egingo den pregoiarekin. Antonio Altarriba saiakeragile eta eleberrigileak egingo du aurten pregoia.
Negu Gorriak elkarteak manifestazioa deitu du larunbaterako, Aranzaditik etxegabeak kanporatu izana salatzeko
Udalak emandako erantzuna kritikatu du kolektiboak, "aldi baterako konponbideekin" arazoari ez zaiolako errotik heltzen. Etxegabeentzat "egiturazko neurriak" eskatu dituzte.
Gaurtik, eskaintza osasungarri eta jasangarria izan beharko dute Hego Euskal Herriko eskola-jantokiek
Hego Euskal Herriko eskoletan, jangelek aurrerantzean derrigorrez bete beharko dute elikadura osasungarria bermatu asmo duen legea. Besteak beste, fruta eta barazkien kontsumoa bermatuko da, eta proteinen eta janari frijituen maiztasuna murritu. Horrez gain ikastetxeetako vending makinetako produktuek ere mugak izango dituzte.
Burdineria korrosioak jota zegoelako erori zen El Bocaleko pasabidea, perituaren esanetan
Peritu judizialak azaldu duenez, loturetako batean izandako akatsak beste loturen gaineko karga handitu zuen, eta horrek lehen eta bigarren mailako habeen arteko lotura guztiek huts egitea eragin zuen, eta taula erorarazi. Gainera, ondorioztatu duenez, ez dago egituraren mantentze-planik egin den ebidentziarik.
Renfek Donostiako tren-zerbitzua indartuko du, Kopako finala dela eta
Larunbat goizaldean (02:10ean) Donostiatik tren berezi bat irtengo da, Sevillako Cartuja geltokira 10:40an iristeko. Itzulerako trena Atletico Madril eta Realaren arteko partida amaitu ondoren aterako da Gipuzkoako hiriburura.
Zumaian agertutako gorpua Eibarren desagertutako 60 urteko emakume batena da
Autopsiaren arabera, pasa den igandean Itzurun hondartzan agertutako gorpuak ez zuen kriminalitate zantzurik. Apirilaren 13an, emakumearen senide batek agertu barik zegoela salatu zuen Eibarko ertzain-etxean, hilaren 11tik haren berririk ez zuelako.
Bertan behera gelditu da Lapurdin isuri gutxiko eremua sortzeko egitasmoa, eta aurrerantzean ere ez da bereizgarririk beharko
Lehen Asanblea Nazionalak egin bezala, orain Senatuak bidea itxi dio Lapurdiko kostaldean isuri gutxiko eremua sortzeko neurriari. Frantziako Gobernuak proposatutako neurriari ultraeskuinak jarritako ebazpena aintzat hartu du Ganberak.