Burdineria korrosioak jota zegoelako erori zen El Bocaleko pasabidea, perituaren esanetan
Peritu judizialak azaldu duenez, loturetako batean izandako akatsak beste loturen gaineko karga handitu zuen, eta horrek lehen eta bigarren mailako habeen arteko lotura guztiek huts egitea eragin zuen, eta taula erorarazi. Gainera, ondorioztatu duenez, ez dago egituraren mantentze-planik egin den ebidentziarik.
Behera etorritako pasabidea. EFE.
Egiturazko burdineria korrosioak jota zuelako etorri zen behera Santanderko kostaldeko bidexkako pasabidea, aditu judizialaren txostenaren arabera. Joan den martxoaren 3an gertatu zen ezbeharrean sei gazte hil ziren.
Bigarren mailako eta lehen mailako habeen berme-burdineriek korrosio-zantzu nabarmenak dituzte, pasabidea azpialdetik edo albotik begi soilez ikuskatuta "oharkabean pasako ez zen" neurrian. Deskribapen hori dakar perituak martxoaren 24an magistratuak eskatutako txostenak.
Perituak ondorioztatu duenez, pasabidea behera etortzearen arrazoi nagusia bigarren mailako habeak lehen mailakoen gainean sostengatzeko berme-loturaren akatsa izan zen, "korrosioaren ondorioz funtsezko zati bat galdua" zuelako burdineriak.
Azaldu duenez, lotura baten akatsak karga handitzen du gainerako loturen gainean, eta, azkenean, bigarren mailako habeen eta lehen mailako habeen arteko lotura guztien akats kateatua eragiten du, eta, ondorioz, taula erortzen da.
Aurrena zein estribuk huts egin zuen ondorioztatzea zaila dela dioen arren, hipotesirik probableena da hegoaldeko habearen gaineko euste-pieza izan zela.
Azaldu duenez, hain zeuden hondatuta estribuak, ezen lurretik burdineria-pieza bat jaso eta eskutan desegin egin baitzitzaion.
Ez zen ikuskapenik egin
Adituak ondorioztatu duenez, gainera, "ez dago egituraren mantentze-plan bat egon den ebidentziarik, egindako mantentze-lanak ez ziren nahikoa izan eta ikuskapen-lana arduragabea izan zen, horrelakorik egin bazen".
2024ko uztailean Itsasertz Mugarteak egindako konponketa barandetan zentratu zen, baina ez zen inolako jarduketarik egin zurezko egituran, burdinerian eta egiturazko loturen torlojuetan.
"Azken batean, pasabidearen albotik erortzeko arriskua saihesteko egin ziren lanak, baina ez zen inolako lanik egin pasabidearen egiturazko segurtasuna bermatzeko", adierazi du.
Gainera, uste du ez zela 2012ko jatorrizko proiektua bete, eta arrastelak hamar metroko luzerako pieza bakar batean egin beharrean, elementu bakoitza luzera horren erdiko bi piezatan banatu zela, hau da, bost metroko bi pieza.
Bere ustez, lehenengo proiektuan jaso bezala gauzatu izan balitz, "haustura pixka bat motelagoa izango zen, ez hain zakarra".
Pasabidea haustearen ondorioz, 19 eta 22 urte bitarteko sei gazte hil ziren, hiru Euskal Herrikoak, bat Kantabriakoa, bat Guadalajarakoa eta bat Almeriakoa, eta Arabako beste neska bat ospitaleratu zuten, guztiak ikaskideak.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.