Euskararen erabilerak behera egin du Euskal Herriko kaleetan
Gero eta euskara gutxiago entzuten da Euskal Herriko kaleetan; elkarrizketa guztien % 12,6 soilik izaten dira euskaraz, duela 10 urte baino puntu bat pasatxo gutxiago (% 13,7koa izan zen datua orduan).
Soziolingustika Klusterrak argitaratutako zazpigarren kale neurketak utzi ditu datu horiek. Euskal Herriko 144 udalerritako 187.635 elkarrizketa aztertu dituzte, 515.260 solaskideren jarduna, guztira.
Bost urtean behin egindako galdeketen arabera, 2006ra arte igoera izan zen euskararen erabileran, oro har, baina egoera aldatu egin da, lurralderik lurraldera egoera ezberdina bada ere: Bizkaian (% 8,8), Gipuzkoan (% 31,1) eta Ipar Euskal Herrian (% 5,3) euskararen erabilera apaldu egin da, eta Araban (% 4,6) eta Nafarroan (% 6,7), aldiz, aurreko neurketetan baino euskara gehiago entzun da.
Hiriburuetako euskararen kale erabileraren bilakaerak bakoitzaren lurraldeko joera orokorrarekin bat egiten du, Iruñean izan ezik: Iruñeko erabilera maila bere horretan dago 1997tik. Baionan, gaztelaniaren erabileraren bezainbestekoa da euskararena.
Haurrak (% 18,3) dira kalean euskara gehien erabiltzen dutenak; horien ostean, gazteak (% 12,3); ondoren, helduak (% 11,5); eta, azkenik, adinekoak (% 8,1). Bestalde, emakumezkoek gizonezkoek baino gehiago erabiltzen dute euskara kalean.
Zure interesekoa izan daiteke
Txirrindulari bat hil da Forondan, auto batekin izandako istripu batean
Ezbeharra 08:50ak baino minutu batzuk lehenago gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak berretsi egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, orain gutxi Osakidetzan iraungitako txertoekin izandako polemika gogoraraziz.
Eibarko Udalbatzak ezohiko osoko bilkura egingo du gaur, San Joan jaietako sokamuturrak bertan behera utzi edo ez erabakitzeko
Bilkura arratsaldeko 19:00etan egingo da, eta ordu erdi lehenago, 18:30ean, elkarretaratzeak egingo dira udaletxe kanpoan, sokamuturraren aldekoen eta aurkakoen aldetik.
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Amaitu da Martuteneko presoak Zubietako espetxe berrira lekualdatzeko prozesua
Ertzaintzaren konboi batek 230 preso eraman ditu asteazken honetan Martutenetik Zubietako espetxe berrira, segurtasun neurri zorrotzekin. Operatibo honekin amaitutzat eman da espetxe zaharraren huste historikoa.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.