27 sute daude aktibo Galizian; ez dira arriskutsuak etxeak erretzeko
27 sute daude aktibo Galizian astearte honetako goizean, Xuntaren arabera, baina ez dira, dagoeneko, arriskutsuak etxeak erretzeko. Aktibo daudenez gain, beste zazpi egonkortu ahal izan dituzte, eta 48 kontrolpean daude. Eguraldi-iragarpenak aurreratuta zuenez, gaur euria ari du Galizian, eta tenperaturak behera egingo du. Sutearen aurkako lanetan lagungarri ari dira izaten baldintza horiek.
Suteen ondorioz, lau lagun hil dira Galizian, eta 20 zauritu. Deitu dituzten hainbat manifestaziotan, landa-eremua hobeto kudea dezatela eta suteen aurkako baliabide gehiago eskatu dituzte milaka herritarrek. Alberto Nuñez Feijoo Galiziako presidentearen esanetan, "su-eragileen terrorismoak" piztu ditu suteak, eta Juan Ignacio Zoido Espainiako Barne ministroak adierazi du Polizia talde horien bila dabilela. Dena den, kritika asko entzun behar izan dituzte azken orduotan, irailaren amaieran egin zen murrizketa baten ondorioz gaur egun 436 langile gutxiago baitaude baso-brigadetan.
Guardia Zibilak esan duenez, "lehen zantzuen arabera, sute gehienak nahita eragindakoak izan dira"; hala ere, "halabeharrezko kasu batzuk ere egon badaude". Hala eman dute jakitera Guardia Zibilaren iturriek; horien esanetan, suteen gaineko ikerketa "lehen fasean" dago. Meteorologia-baldintzek, gainera, suteak azkar hedatzen lagundu zuten, eta hori dela eta, "lehen helburua bizitzak salbatzea izan zen", azaldu dute iturri horiek.
Egiaztatu dutenez, gainera, Portugaletik iritsitako garrek Miño ibaia bi lekutatik zeharkatu zituzten, Pontevedran sartzeko.
Asturiasen, 21 sute astearte goizean
Asturiasen, bitartean, suteak itzaltzeko lanek, euri arinak eta tenperaturaren beherakadak bat egin dute, eta denak lagundu du baso-suteen kopurua murriztu ahal izateko. Astearte goizean, hain zuzen, 21 sute zituzten oraindik piztuta bertan; astelehen goizean 35 zeuden, eta astelehen gauean, berriz, 27.
Meteorologia-iragarpenaren arabera, euria egingo du eta tenperatura nabarmen jaitsiko da; beraz, bi horiek suteen aurkako borrokan lagunduko dute gaur ere.
Portugalen, kontrolpean dituzte erdialdeko eta iparraldeko suteak
Azkenik, Portugalen, suhiltzaileek kontrolpean hartu dituzte jada herrialdearen erdialdean eta iparraldean dauden sute guztiak. Azken orduotan, gutxienez 36 lagun hil dira suteen ondorioz, eta 63 zauritu.
Antonio Costa Portugalgo lehen ministroak elkarrekin ados jartzeko eskatu die alderdi politikoei gaur egun indarrean dagoen babes zibilaren eredua erreformatze aldera; izan ere, Costak nabarmendu du basoak zaintzeko eredua ez dela eraginkorra baso-suteak saihesteko.
Zure interesekoa izan daiteke
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.
Aita Marik Mediterraneoan egiten duen erreskate-lana zailtzen duen "etengabeko presioa" salatu du
Egunotan Malta eta Libia arteko migrazio-ibilbidean erreskate-lanetan ari den Aita Mari ontzia Libiako kostazainek inguratu dute asteazken honetan; ondoren, drone batek gainetik hegan egin zion.
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.
5 urteko zigorra ezarri diote gizon bati, emazteari modu jarraituan tratu txarrak eman eta sexu-erasoak egiteagatik
Epaiaren arabera, biktimak 2017an erasotzailearengandik banantzea erabaki zuenetik, hark etengabe egin zizkion mehatxuak eta sexu-erasoak.