Uretan galdutako gizonaren bilaketa lanei ekin diete berriro Hondarribian

Igande honetan, 08:30ean, ekin diote berriz ere Hondarribian uretan desagertutako 30 bat urteko gizonezkoaren bilaketa lanei, Ertzaintzak eitb.eus-i baieztatu dionez.

Antza denez, urpeko arrantzan ari zen gizona eta ostiraletik ari dira horren bila. Larunbat gauean bertan behera geratu dira lanak, eta igande goizean ekin diote berriz ere gizona bilaketari.

Segurtasun Sailak jakitera eman duenez, Jaizkibel mendi inguruetan zegoen lekuko batek eman zuen abisua, urpekaritzan ari zen gizonezko bat itsasoan galtzen ikusi baitzuen.

Ertzaintzako buzoak eta helikoptero bat ari dira lanean, Gurutze Gorriko eta Itsasoko laguntza zerbitzuekin batera, galdutako gizona aurkitzeko.