Etxegabetu behar zutenean bere buruaz beste egin zuen Amaia Egañak, orain 5 urte
Bost urte bete dira Amaia Egañaren heriotzaz geroztik. 2012ko azaroaren 9an, etxetik kaleratu behar zutenean, bere buruaz beste egin zuen. Bosgarren urteurrenean, Barakaldoko gizarte eragile eta sindikalek Amaia Egaña gogoratu dute, eta bost urte hauetan udalerrian 1.158 etxe-kaleratze izan direla salatu dute.
Barakaldoko Justizia Jauregiaren aurrean egindako oroimen ekitaldian David Gonzalez Berri-Otxoak plataformak salatu duenez, astean zazpi familia kaleratzen dituzte Ezkerraldean, "horietatik lau Barakaldon". "Zehatz-mehatz esanda, 2012ko azaroaren 9tik 1.158 etxe-kaleratze izan dira Barakaldon", gaineratu du.
Gonzalezen esanetan, krisi ekonomiko hasi zenetik bikoiztu egin da langabe kopurua: "2008an 3.269 pertsona zeuden lanik gabe eta gaur egun 7.312 pertsona dira". Gainera, langabeen % 71k ez du inolako diru-laguntzarik jasotzen.
Berri-Otxoak plataformako ordezkariaren hitzetan, "espekulazioari eta murrizketei galgarik jartzen ez zaienez, alokairuaren prezioa hazten ari da hilabetez hilabete". Haren esanetan, urrian % 3,45 igo da alokairuaren prezioa Barakaldon iraileko datuekin alderatuta eta alokairuaren prezioa 725 eurokoa da, batez beste, Barakaldon.
David Gonzalezek Eusko Jaurlaritzak egindako ikerketa bat aipatuz azaldu duenez, gaur egun 16 pertsona bizi dira kalean Barakaldon, "duela hiru urte baino zazpi gehiago". Hori dela eta, pertsona orok etxebizitza duinerako duen eskubidea betetzeko eskatu dute gizarte eragile eta sindikalek.
Zure interesekoa izan daiteke
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.