Jaurlaritzak erradikalizazio prozesuak antzemateko egitasmoa onartu du
Eusko Jaurlaritzak nazioarteko terrorismo erlijiosoari aurre egiteko egitasmoa onartu du. Besteak beste, erradikalizazio prozesuak garaiz antzemateko foro bat zuzenduko du Ertzaintzak, eta komunitate islamikoak izango ditu lagun lan horretan.
Iñigo Urkullu lehendakariak aurkeztu du plana Gasteizen, eta lau hilabeteko epea zabaldu dute bertara ekarpenak eta proposamenak egiteko.
Aurkezpenean, Urkulluk gogorarazi du jihadismoa "mehatxu larria eta mundu mailakoa" dela, eta horri aurre egiteko estrategia "zehatza, goitik beherakoa eta zentzuzkoa" egin behar dela.
Egitasmoaren puntu garrantzitsuenetako bat erradikalizazio prozesuak garaiz antzemateko foroa izango da. Bertan eremu batzuk lehenetsiko dituzte, espetxeak eta adingabeentzako zentroak tarteko, erradikalizazio zantzuak aztertu ostean, esku-hartze pedagogikoa egiteko.
Erradikalizazio prozesuan murgilduta daudenak terrorista ez bihurtzea da jokabide horren helburua, hori baita Europar Batasunaren terrorismoaren aurkako estrategiaren oinarrietako bat.
Alor horretan lan egingo duten ertzainei etengabeko heziketa emango diete, eta beste segurtasun indarrekin elkarlana indartuko dute, terroristen jatorriko edo atentatuak izan diren lekuko inteligentzia zerbitzuekin bezalaxe.
Era berean, erakundeen ardurapean edo preso dauden adingabeei eta gazteei heziketa eskainiko diete erradikalizazioa saihesteko.
Komunitate islamiarrekin akordioak lotzeko proposamenaz gain, kolektibo horiekin harremana izateko Batzorde Laguntzailea sortzea aurreikusten dute, helburu hau jarrita: "Euskal islama, tolerantea, irekia eta terrorismo erlijiosoaren aurkakoa".
Erlijioarteko Euskal Kontseilua
Erlijioarteko Euskal Kontseilua ere eratu nahi dute, presentzia nabarmena duten erlijioek osatua, terrorismo jihadistari edo xenofobia, islamofobia edo arrazakeriari erantzuna emateko erreferente bilaka dadin.
Lehendakariak azpimarratu duenez, egitasmoak "gizarte kohesioan eta aniztasunaren errespetuan oinarritutako elkarbizitza sustatzea eta babestea" du helburu, eta "nazioarteko terrorismo erlijiosoaren aurrean segurtasun maila handienerako baldintzak sortzea".
Zure interesekoa izan daiteke
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.