Berrizko 19 urteko gazte baten bila ari dira Gorbeia mendian
Hirugarren egunez aritu dira Jon Barcena gaztearen bila Gorbeian, Arabako nahiz Bizkaiko magaletan, baina ez dute aurkitu. Asteazken honetan, goizean goiz, ekingo diete berriro 19 urteko berriztarra bilatzeko lanari.
Iluntzean, 18:00ak aldera, utzi dute bertan behera bilaketa. Asteartean 600 pertsona baino gehiago aritu dira joan den larunbatean galdu zen mendizalearen bila, tartean Ertzaintza, Gurutze Gorria, DYA, suhiltzaileak, espeleologoak eta ehunka boluntario.
Arratsaldean, eguraldia pixka bat hobetu da eta Ertzaintzaren helikoptero baten laguntza izan du bilaketa taldeak.
Eusko Jaurlaritzaren Segurtasun Sailak boluntario guztiei esker ona adierazi die, baina asteazken honetatik aurrera profesionalak soilik arituko dira Jon Barcenaren bila. Gorbeia oso ondo ezagutzen duten mendizaleak soilik onartuko dituzte boluntario moduan aurrerantzean.
Jon Barcena abenduaren 30ean desagertu zen. Larunbat arratsaldean Gorbeiara igotzen hasi zen mutila, Araba aldetik, lagun talde batekin, baina ondoezik zegoela eta, buelta eman zuen, eta lagunek goraka jarraitu zuten.
18:45 aldera, menditik jaitsi eta ez zuten aurkitu, eta horregatik, larrialdi zerbitzuetara deitu zuten.
Geroztik martxan dira bilaketa lanak Gorbeia mendian eta inguruetan.
Gezurtatu egin dute boluntarioak lortzeko eskaera ofizialik dagoenik
VOST larrialdietarako Euskadiko boluntario digitalen elkarteak bere Twitter kontuan zabaldu duenez, ez da inolako eskaera ofizialik egin Berrizko gaztearen bilaketan parte hartzeko boluntarioak lortzeko.
Azken orduotan mezu bat zabaldu da WhatsApp bidez boluntarioak behar zirela esanez. VOSTen esanetan, kontrolik gabeko deialdi masibo bat egitea asko zaildu ditzake bilaketa lanak.
Halaber, SOS Deiak larrialdi zerbitzuaren hitzetan, gaztea bilatzeko nahikoa jende bildu da dagoeneko.
Guztira, 400 boluntario baino gehiago elkartu dira bilaketa operazioarekin bat egiteko.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.