Euri-jasak uholdeak eragin ditu Bizkaiko zenbait herritan
Euri-jasak uholdeak eragin ditu ostegun honetan Bizkaiko hainbat herri eta errepidetan. Hori dela eta, Segurtasun Sailak uholdeei aurre egiteko plan berezia jarri behar izan du indarrean.
Abisu laranja ezarri dute Oka ibaian, Muxikan, eta Ibaizabal ibaian, Zornotzan. Abisu horian daude, berriz, Butroe ibaia, Mungian, eta Asua ibaia, Sondikan.
Muxikan, moztu egin dute Gernika-Lumo eta Zornotza lotzen dituen BI-635 errepidea. Hainbat ibilgailu harrapatuta geratu dira uholdeen ondorioz, eta suhiltzaileek erreskatatu dituzte gidariak eta bidaiariak.
Busturialdeko hainbat etxebizitza eta lokaletan ura sartu da eta kalte materialak eragin ditu, Ertzaintzak jakinarazi duenez.
Horrez gain, 20:00etan, tren zerbitzua eten behar izan dute Muxika eta Gernika-Lumo artean.
22:00ak aldera, baina, Oka ibaiaren emaria beheraka egiten hasi da eta egoerak hobera egin du.
Mungian, uholdeak eta luiziak izan dira, eta Butroe ibaira ez hurbiltzeko eskatu die Udaltzaingoak herritarrei.
Karrantzan, ura pilatzeko erabiltzen den urmael batek gainezka egin du.
Erauntsiaren erakusgarri, datu pare bat: Bermeon, metro karratuko 70 litro bota ditu 24 ordutan; Muxikan, berriz, metro karratuko 24,6 litro batu dituzte ordubetean.
Euriak ez ezik, elurrak ere eragin ditu arazoak Bizkaian. Urkiolako mendatea itxi egin dute elurragatik, eta Barazarren eta Trabakuan arretaz gidatzeko eskatu dute.
GERNIKA-LUMO ETA MUXIKA:
CONTENIDO NO ENCONTRADO
CONTENIDO NO ENCONTRADO
ZORNOTZA:
CONTENIDO NO ENCONTRADO
MUNGIA:
Zure interesekoa izan daiteke
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.