Urtebeteko zigorra ezarri diote San Sebastian egunean sexu-erasoa egiteagatik
San Sebastian egunean emakume bati sexu-erasoa egiteagatik larunbat goizaldean Donostian atxilotutako 40 urteko gizonari urtebeteko kartzela-zigorra eta 600 euroko isuna ezarri dizkiote, sexu-abusuen delitua egotzita.
Eusko Jaurlaritzako Segurtasun Sailak jakinarazi zuenez, erasoa larunbatean jazo zen, 03:00ak aldera. Emakumea Alde Zaharreko taberna batean zegoen, gizona hurbildu zitzaionean. Harekin hitz egiten saiatu zen, eta, emakumearen ezezkoa jasotzean, ukituak egin zizkion.
Biktima tabernatik atera zen, Udaltzaingoari eman zion gertatutakoaren berri, eta, ondoren, salaketa jarri zuen Ertzaintzaren aurrean.
Erasotzailea 05:00etan atxilotu zuten, Boulevard zumardian, sexu-abusuen delitua egotzita. Gaua ertzain-etxean eman ondoren, Donostiako Guardiako Epaitegira eraman zuten larunbatean, eta auzi-saio azkar bat egin zuten haren kontra.
Aske, karguekin
Gizonak erasoa aitortu zuen, eta urtebeteko kartzela-zigorra eta 600 euroko isuna onartu zituen. Karguekin baina aske, Kanadara, bere bizitokira, joateko hegazkin bat hartu zuen.
Eneko Goia Donostiako alkateak eta Udaleko Bozeramaileen Batzordeak "irmo gaitzetsi" dute indarkeria matxistako kasu hori. Horrez gain, osteguneko osoko bilkuran minutu bateko isilunea egitea eta antola daitezkeen gaitzespen ekitaldietara joatea adostu zuten.
___________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.