Erreskatea
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Hogei bat migratzaileren gorpuak erreskatatu dituzte itsasoan, Melillatik gertu

Pateran Espainiako kostaldera iristen ahalegintzen ari zirela hondaratuta hil direla dirudi, Melillako kostatik lau edo bost miliatara. Bidaiari itsasontzi batetik ikusi dituzte gorpuak ur gainean.

Agentziak | Erredakzioa

Azken eguneratzea

Espainiako eta Marokoko agintariek hogei bat gorpu erreskatatu zituzten atzo, Melillako kostatik lauzpabost miliatara. Bidaiari itsasontzi batetik ikusi zituzten gorpuak ur gainean flotatzen.

Migratzaileak, Saharaz hegoaldeko herritarrak, azken egunotan Espainiako kostaldera iristeko ahaleginetan hondoratu zirela dirudi. Melillako uretan alerta horia zegoen ezarrita kostako fenomenoengatik.

Espainiako Gobernuak Melillan duen ordezkariak Efe agentziari adierazi zionez, gorpuak larunbat goizean ikusi zituzten Sorolla bidaiari itsasontzitik. 15:00etan abiatu zen ontzia Melillatik Almeriara bidean.

Handik ordu erdira, lau edo bost miliatara ikusi zituzten gorpuak ferrytik. Beraz, Itsasoko Salbamendukoei eman zieten abisua.

Migratzaileak aurkitu zituzten lekura iritsita, Guardia Zibilak Marokoko agenteei lagundu zien, eta gorpuez arduratu ziren.

Gizartea Migrazioa Espainia Naufragioak Maroko Itotzeak

Zure interesekoa izan daiteke

Gehiago ikusi
Publizitatea
X