Plastikozko poltsak ordaindu beharko ditugu martxotik aurrera
Dendara joan eta erositako produktuengatik ez ezik, plastikozko poltsengatik ere ordaintzea. Martxoaren 1etik aurrera lege izango da gure eguneroko erosketetan. Berez, urtarrilaren 1etik dago indarrean plastikozko poltsak kobratzea ezartzen duen legea, baina Espainiako Gobernuak hiru hilabeteko epea eman zuen, "moldatzeko". Hala, martxoaren 1etik aurrera derrigorrez ordaindu beharko ditugu poltsok. 2020ko urtarrilaren 1etik aurrera erabat debekatuta egongo dira.
Prezioa poltsaren lodieraren araberakoa izango da: 30 mikrako edo lodiagoak diren poltsengatik 15 zentimo ordainduko ditugu; 15-29 mikrakoengatik, 10 zentimo, eta 15 mikra baino gutxiagokoengatik, bost zentimo (Ingurumen Ministerioak emandako gutxi gorabeherako prezioak). Azken horietan ("poltsa oso arinak" ere deitutakoak) salbuespena ezarri du Espainiako Gobernuak: higiene arrazoiak tarteko beharrezkoak edota soltean saldutako produktuak eramatekoak badira (esaterako, fruta, lekalea, haragia, arraina...). Erabilera hori ez duten "poltsa oso arin" horiek kobratuko dituzte. 2020ko urtarrilaren 1erako konpostagarriak izan beharko dira poltsok.
Erosketa mota guztietan kobratuko dira poltsok: denda fisikoan eta sarekoan egindakoak edota etxera eramateko erosketetan. Saltzaileek leku ikusgarri batean jarri beharko dituzte salneurriak.
Espainiako Gobernuak plastikozko poltsen erabilera murrizteko onartutako errege dekretuan du oinarri neurriak. Aurrez, 2015ean, Europako Parlamentuak eta Kontseiluak zuzentaraua onartu zuten. Europako herrialde batzuk duela bi urte hasi ziren plastikozko poltsengatik kobratzen.
2019rako plastikozko poltsa "arina"k (50 mikra baino gutxiagokoak) % 80 murriztea du xede Europar Batasunak (EB). Datu bat argigarri: 2010ean EBko herritar bakoitzak batez beste 200 poltsa erabili zituen urtean. Gehienak, % 90, arinak ziren, gutxien berrerabiltzen direnak eta gehien kutsatzen dutenak. Bada, neurriok ezarrita, 2019a amaitzerako, batez bestekoa 90 poltsa baino gehiagokoa ez izatea nahi du Europak. 2025eko abenduaren 31rako, batez bestekoa 40 poltsara murriztea nahiko luke EBk.
Aipatutako neurriez gain, eta birziklatzeko orduan poltsok nora bota behar ditugun jakiteko, poltsa guztiek jasota eduki beharko dute zein edukiontzitan sartu behar ditugun.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.