Hodeiak, euria eta haizea, Pazko astebururako
Azken egunotako eguzki ordu eta tenperatura goxoen ondotik, Pazko asteko asteburuan eguraldia trakestu egingo da eta euria egingo du. Halaber, Eusko Jaurlaritzako Larrialdiei Aurre Egiteko eta Meteorologiako Zuzendaritzak haizeari dagokion abisu horia ezarriko du ostiral arratsaldeko seietatik larunbat goizeko seiak arte. Izan ere, 100 km/h-tik gorako haize boladan espero dira, bereziki ekialdean.
Gaur, ostirala, termometroak are gehiago igoko dira. Hego edo hego-ekialdeko haizea oso indartsu ibiliko da egunaren zati handi batean, termometroak igoaraziz; beroenak 20-25 º C artean ibiliko dira. Zeruan hodei gutxi agertuko dira, eguzkia izango da nagusi, baina arratsalde erdialdetik aurrera hodei trinkoagoak iritsiko dira eta baliteke han-hemenka zaparradaren bat edo beste botatzea.
Larunbatean okerrera egingo du giroak. Hodeiak ugariak izango dira eta euritara joko du. Euria edonon egin badezake ere, ugariagoa izango da ekialdean, batez ere Nafarroan, eta egunaren bigarren partean; baliteke ekaitzak ere jotzea. Eguneko tenperaturk nabarmen jaitsiko dira, eta eguerdi partean 14-15 º C inguruan kokatuko dira.
Iganderako giro nahasia aurreikusten da. Hodeiak eta urdin guneak tartekatuz joango dira, baina noizbehinka zaparrada bakanen bat baztertu gabe. Goizaldean oraindik ere hodeiak ugariak izango dira, baina goizetik aurrera ostarte batzuk ere agertuko dira tarteka. Zenbait momentutan, bereziki egunaren lehen partean, baliteke hodei trinkoagoak agertzea eta zaparradaren bat edo beste botatzea. Tenperatura maximoak antzekoak edo pare bat gradu altuagoak izango dira.
Zure interesekoa izan daiteke
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.
Aske utzi dute Barakaldon udaltzain baten tiroa jaso zuen ustezko lapurra
Gizonak arma zuri batekin egin zien mehatxu poliziei, eta udaltzain batek hanka batean tiro egin ostean atxilotu zuten.
EHUn ke poteak jaurti eta pankartak jarri direla eta, epelkeria ukatu eta salbuespenak direla esan du Bengoetxeak
EHUko errektoreak azaldu duenez, jarduera protokolo bat prestatzen ari dira, hezkuntza komunitate osoaren ekarpenak bilduta, erakundearen barruan errespetua eta bizikidetza sustatzeko.
Beste bi gizon atxilotu dituzte Gasteizen, adingabe bat sastatzea leporatuta
Aurretik atxilotutako bost gazteek bezala, 19 eta 20 urte bitartean dituzte. Ertzaintzak labanak eta mailuak zituen poltsa bat topatu zuen horien autoan, eta konfiskatu egin zizkieten.
Behin-behinean aske utzi du epaileak Basaurin bikotekidearen heriotzarekin zerikusia zuelakoan atxilotutako gizona
45 urteko gizona 15:00ak aldera eraman dute epaitegira, eta epaileak behin-behinean aske utzi du baina egunero auzitegira joateko aginduarekin. Pasaportea ere kendu diote.
Basauriarrek bigarrenez gaitzetsi dute Amaiaren hilketa matxista
Udalak deituta, elkarreratze isila egin dute eguerdian Azaroak 25 plazan, sortzez Berangokoa zen 44 urteko emakumearen hilketa salatzeko. Hain justu, Berangoko Udalak beste bilkura bat deitu du astearterako.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. Ikerketaren iturriek EITBri baieztatu diotenez, urruntze agindu bat zegoen indarrean, baina atxilotuak askotan urratzen zuen.
17 urteko mutil batek polizia-kontrol batetik ihes egin du asegururik eta IATrik ez zuen auto batekin, Beriainen
Adingabeak giltzak ostu zizkion amari, eta jazarpen arriskutsu baten ostean, egindakoa "Instan argitaratuko ote zen" galdetu zien agenteei.