'La Manada' auziaren epaiaren gakoak
1- Nafarroako Lurralde Auzitegiak bederatzi urteko kartzela-zigorra ezarri die 'La Manada' taldeko bost akusatuei, 2016ko sanferminetan, eraikin bateko atari batean, 18 urteko emakume bati sexu-abusuak egitea egotzita.
2- Epaimahaiak frogatutzat eman du bost gizonezkoek "beren nagusitasuna" erabili zutela neska gazteari "sexu-abusuak" egiteko.
3- Alabaina, sexu-eraso delituagatik absolbitu egin ditu bostak. Epaimahaiak dio ez zutela indarkeria erabili eta ez zutela biktima izutu.
4- Epaimahaia osatzen duten hiru magistratuetatik bik onartu dute emakumea "behartu" eta "menderatu" egin zutela, baina, hala ere, bortxaketarik izan ez zela, indarkeria erabili ez zutelako eta biktima izutu ez zutelako.
5- Hirugarren magistratuak, ostera, boto partikularra aurkeztu du auzipetu guztien absoluzioa eskatuz. "Bideoetan, bost gizon eta emakume bat pozez zoratzen sexu-harremanak izaten soilik ikusten dira", esan du Ricardo Gonzalez magistratuak.
6- Bederatzi urteko espetxealdiaz gain, ondoko zigorrak ere ezarri dizkiete: prozesu judizialak eragindako gastuen herena ordaintzea; 15 urtetan biktimarengana hurbiltzeko eta harekin harremanetan jartzeko debekua; biktimari 50.000 euroko kalte-ordaina ematea; eta Nafarroako Osasun Zerbitzuari 1.531 euro ordaintzea emakumeari emandako osasun asistentziagatik.
7- Espetxe-zigorra bete ostean, bost urtez Poliziaren zaintzapean egongo dira bostak.
8- Auzipetuetako bati lapurreta delitu arina ere egotzi diote, neskari sakelako telefonoa osteagatik. 900 euroko isuna ordaindu beharko du horregatik.
9- Bost akusatuak (Jose Angel Prenda, Jesus Escudero, Angel Boza, Alfonso Jesus Cabezuelo militarra eta Antonio Manuel Guerrero guardia zibila) ez dira epaiaren berri emateko saioan izan.
10- Bost akusatuak kartzelan daude, 2016ko uztailaren 7ko sexu-erasoagatik atxilo hartu zituztenetik.
11- Fiskaltzak 22 urte eta 10 hilabeteko espetxe-zigorrak eskatu zituen, sexu-erasoa, intimitatearen kontrako delitua eta beldurra erabilita egindako lapurreta egotzita; akusazio partikularrak 24 urte eta bederatzi hilabeteko espetxealdiak galdegin zituen; eta herri-akusazioek 25 urte eta bederatzi hilabetekoa. Defentsak, berriz, bost akusatuen absoluzioa eskatu zuen.
12- Aldeek 10 eguneko epea dute epaiaren kontrako helegitea jartzeko Nafarroako Justizia Auzitegi Nagusian.
13- Prozesu judiziala, baina, ez litzateke hor amaituko. Espainiako Auzitegi Gorenean beste errekurtso bat aurkezteko aukera izango luketelako.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.