'La Manada' auzian boto partikularra eman zuen epailea berandutzeagatik zigortu zuten
CGPJ Botere Judizialaren Kontseilu Nagusiak sei hileko zigorra ezarri zion 2001eko uztailean Ricardo Javier Gonzalez magistratuari, lanean arrazoitu gabeko atzerapenak etengabe pilatuz hutsegite oso larria egin zuelakoan, epaileen gobernu organoak jakinarazi duenez.
Besteak beste, La Manadaren aurkako epaian boto partikularra eman zuen magistratuak 14 hilabete hartu zituen banantze bati buruzko epaia emateko.
CGPJren txostenean jasotzen denez, Bilboko lehen auzialdiko epailea zen honi aurretik ezarritako beste zigor batzuk hartu zituzten kontuan orduan, eta Auzitegi Gorenaren epai batek 2003ko azaroan berretsi zuen CGPJren 2001eko erabakia.
Sei hilez lan egin gabe zigortu aurreko zehapenok 90eko hamarkadaren azken urteetan epaietan berandutu izanari zegozkion, eta isunak jarri zizkioten horregatik.
Gainera, Botere Judizialaren Kontseilu Nagusitik zehaztu dutenez, Gonzalez epailearen aurkako txosten edo zigorrik ez da izan azken lau urteetan.
Ricardo Javier Gonzalezek La Manadako bost kideak aske uztea eskatu zuen bere kontrako boto partikularrean, bost gizon horiek 2016ko sanferminetan emakume bati sexu abusuak, eta ez sexu erasoak, egiteagatik kondenatu zituen epaian.
Zure interesekoa izan daiteke
Mugimendu sismikoak izan dira Andaluzian, denboralearen ondoren
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.