'La Manada'ren epaiaren aurkako helegitea aurkeztu du Nafarroako Gobernuak
'La Manada'ren epaia baliogabetzea eskatzeko helegitea aurkeztu du gaur Nafarroako Gobernuak. Bost akusatuak penetrazioz edo bortxaketaz egindako sexu erasoengatik zigortzea eskatu du. Horrez gain, intimitatearen kontrako delitua ez ezik, indarkeriaz edo intimidazioz egindako lapurreta ere kontuan izatea galdegin du.
Nafarroako Gobernuak jakinarazi duenez, 2016ko sanferminetan gertatutakoa sexu eraso jarraituak izan zirela adierazi du idatzian, eta ez sexu abusuak, epaiak ebatzitakoaren arabera. Hori dela eta, erabakia bertan behera uztea eskatu du Foru Exekutiboak.
18 urte eta 9 hilabeteko kartzela-zigorra eskatu du Nafarroako Gobernuak sexu erasoagatik, 10 urteko zaintzapeko askatasunaz gain. Halaber, biktimarengana 500 baino gutxiagora ez gerturatzea, eta 20 urtetan harekin ez komunikatzea eskatu du akusatuentzat.
Zigor osagarri gisa, kondena indarrean dagoen bitartean guztiz ezgaitzea nahi duela zehaztu du helegitean.
Era berean, indarkeriaz edo intimidazioz egindako lapurreta egon zela argudiatu du Nafarroako Gobernuak, eta ez lapurreta arina. Delitu hori dela eta, hiru urteko espetxe-zigorra eta sufragio pasiborako ezgaitze berezia eskatu du.
Azkenik, intimitatearen aurkako delitua egon dela arrazoituta, hiru urte eta hiru hilabeteko kartzela-zigorraz gain, 4 akusatuk 21 hilabetetan egunero 9 euroko isuna ordaintzea galdegin du eta 15 euro bosgarren akusatuak.
Carlos Bacaicoa biktimaren abokatuak gaur goizean jarri du epaiaren kontrako helegitea. Iruñeko Udalak ere gauza bera egitea aurreikusi du gaur. Defentsaren abokatuak, Agustin Martinez Becerrak, berriz, bihar aurkeztuko duela esan du. Fiskaltzak joan den astean ipini zuen.
Iruñeko Udalak gertatutakoa "sexu erasoa" izan zela onartzea eskatu du
Iruñeko Udalak gaur aurkeztu du 'La Manada'ren auziko epaiaren aurkako helegitea. 2016ko sanferminetan gertatutakoa sexu eraso izan zirela onartzea eskatu du "indarkeria eta intimidazioa" egon zirela argudiatuta.
Akusazio partikular gisa aurkeztu du idatzia Iruñeko Udalak. Epaiaren hiru atalen inguruko errekurtsoa jarri du: erasoa sexu abusua izan zela esatea, telefono mugikorraren lapurreta arintzat jotzea, eta bost kondenatuek grabatutako bideoengatik intimitatearen kontrako delituagatik ez zigortzea.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.