'La Manada'ren biktimaren aurkako mezuen egileak identifikatzea eskatu du epaileak
'La Manada'ren biktimak aurkeztutako salaketagatik ikerbidea hasi du Madrilgo Argibideetako 38. Epaitegiak. Bere kontrako mehatxuak eta datu pertsonalak argitaratu izana salatu zuen emakume gazteak. Orain mezu horien egileak identifikatzeko eskatu dio epaileak Poliziari.
Iturri juridikoek jakitera eman dutenez, biktimaren salaketa aztertzeko ardura hartu duen epaitegiak adostu du neurria. Mehatxu eta irain irainengatik eta foro, webgune zein sare sozialetan argitaratu diren datu pertsonalengatik salaketa aurkeztu zuen emakume gazteak maiatzaren 5ean.
Mezuen egileak identifikatzeko eta mezuak ezabatu direla egiaztatzeko eskatu dio epaitegiak Poliziaren Ziberdelinkuentzia Unitateari, salatzaileak kautelazko neurri bezala hala eskatu duelako.
Komunikabide digitaletan zein sare sozialetan mehatxuak eta intimitatearen aurkako delituak salatu zituzten 'La Manada'ren biktimaren abokatuek.
'La Manada'ko kideei 9 urteko espetxe-zigorra ezarri zien epaia posta elektronikoz bidali zieten komunikabideei apirilaren 26an. Biktimaren datu pertsonalak ezabatu zituzten, baina sententziaren marjinatan agertzen zen kode bat ez zuten kendu. Horrekin Nafarroako Gobernuaren webgunean zegoen epaia originala lortu ahal izan zuten.
Gazte madrildarraren datu pertsonalak, izen-abizenak edo helbidea komunikabide digitaletan eta sare sozialetan argitaratu zituzten. Gainera, neskaren argazkiak, nortasun agiriaren irudi bat eta gertakarietan grabatutako bideoaren pantaila-irudiak ikusi ahal izan dira.
Espainiako Poliziaren eskutik, informazioa argitaratu duten atarien eta sare sozialen txostena jasotzen dutenean, salaketa handituko dutela aurreratu du Miguel Angel Moran abokatuak.
Nafarroako Lurralde-auzitegiak 'La Manada'ko kide akusatu bakoitzari bederatzi urteko kartzela-zigorra ezarri zien sexu-abusuak leporatuta, baina ez sexu-erasoa egotzita, gaztearen aurkako indarkeriarik izan ez zela ebatzi zuelako. Fiskaltzak, ordea, 22 urteko espetxe-zigorrak eskatu zituen.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.